સુમન દર્શન આવાસમાં આમ આદમી પાર્ટી દ્વારા વિશેષ મતદાર યાદી સુધારણા શિબિર સફળતાપૂર્વક પૂર્ણ
સુમન દર્શન આવાસમાં આમ આદમી પાર્ટી દ્વારા વિશેષ મતદાર યાદી સુધારણા શિબિર સફળતાપૂર્વક પૂર્ણ
સુરત: આજ સૂરત શહેરમાં ખાસ મતદાર યાદી સુધારણા (SIR – Special Intensive Revision) કાર્યક્રમ અંતર્ગત આમ આદમી પાર્ટી દ્વારા સુમન દર્શન આવાસ ખાતે વિશેષ શિબિરનું આયોજન કરવામાં આવ્યું. મતદારોને પોતાની યાદી સુધારવા, નવા નામ નોંધાવવા, સરનામા બદલવા અને અન્ય જરૂરી પ્રક્રિયાઓ માટે અહીં મોટી સંખ્યા માંલ નાગરિકોએ ઉપસ્થિતિ આપી. શિબિરમાં બુથ નં. 90, 94 અને 95 માટે આમ આદમી પાર્ટીના બૂથ લેવલ એજન્ટ – 2 (BLA-2) તરીકે શ્રી સાગરભાઈ સવાણી, શ્રી સતીષભાઈ સવાણી અને શ્રી વિપુલભાઈ જીવાણી હાજર રહ્યા. તેમણે મતદારોને ફોર્મ ભરવામાં, જરૂરી દસ્તાવેજોની ચકાસણીમાં અને ઓનલાઈન એન્ટ્રી કરવાની પ્રક્રિયામાં માર્ગદર્શન અને મદદ પૂરી પાડીને શિબિરને સુવ્યવસ્થિત રીતે ચલાવ્યું. શિબિરમાં વાડેરોડની ત્રિલોક નગર સોસાયટીમાં રહેતા યુવા નેતા કિર્તેશ પાટીલની પણ વિશેષ હાજરી રહી. તેમણે મતદારોને થતી વિવિધ સમસ્યાઓ—જેમ કે નામ યાદીમાંથી ન હોવું, ખોટી માહિતી દાખલ થવી, સરનામા સુધારવાની જરૂરિયાત, દસ્તાવેજો સાથેની ખામીઓ—ને તાત્કાલિક સ્થળ પર જ નિરાકરણ કરવામાં મદદ કરી. આ શિબિર દરમિયાન આમ આદમી પાર્ટીના કાર્યકર્તાઓ અને નેતાઓએ મતદારોને લોકશાહી પ્રણાળીમાં મતદાનના મહત્વ વિશે જાગૃત કર્યા અને તમામ પાત્ર નાગરિકોને પોતાનું નામ મતદાર યાદીમાં સુનિશ્ચિત કરવા માટે પ્રોત્સાહિત કર્યું. સ્થાનિક નાગરિકોએ શિબિરના સફળ આયોજન અને કાર્યકર્તાઓના સહકાર માટે પાર્ટીના પ્રતિનિધિઓની પ્રશંસા કરી હતી.
