અદાણી ફાઉન્ડેશન હજીરા દ્વારા મહિલા જૂથને સહાય સાથે આંતરરાષ્ટ્રીય મહિલા દિવસ ઉજવણી કરી
અદાણી ફાઉન્ડેશન હજીરા દ્વારા મહિલા જૂથને સહાય સાથે આંતરરાષ્ટ્રીય મહિલા દિવસ ઉજવણી કરી
સુરત : આંતરરાષ્ટ્રીય મહિલા દિવસની ઉજવણી સંદર્ભે ચોર્યાસી તાલુકાના ભટલાઈ ગામે અદાણી ફાઉન્ડેશન દ્વારા આ વિસ્તારમાં કાર્યરત મહિલા સખી મંડળને સાધન અને સહાય વિતરણનો કાર્યક્રમ રાજ્ય સરકારના મંત્રી મુકેશભાઇ પટેલ અને ચોર્યાસીના ધારાસભ્ય સંદીપ દેસાઇની વિશેષ ઉપસ્થિતિ અને મહાનુભાવોની હાજરીમાં યોજાયો હતો. કાર્યક્રમ દરમિયાન ભટલાઈ, દામકા, વાંસવા જેવા ગામના સખી મંડળને અંદાજે પાંચ લાખ જેટલી સહાય બહેનોની આજીવિકા વધારવા માટે આપવામાં આવી હતી.
હજીરાની આસપાસ કાર્યરત અનેક સખીમંડળ આજીવિકા મેળવવા માટે વિવિધ પ્રકારના કાર્યો કરે છે. અદાણી ફાઉન્ડેશન મંડળના સભ્યોને તાલીમ, સાધન સહાયની સાથે વેચાણ માટે બજાર સુધીની વ્યવસ્થા કરતું હોય છે. ભટલાઇ ખાતે યોજાયેલા કાર્યક્રમમાં આંતરરાષ્ટ્રીય મહિલા દિનની ઉજવણી ભાગરૂપે રાજ્ય સરકારના વન અને પર્યાવરણ રાજ્યમંત્રી મુકેશભાઇ પટેલ, ચોર્યાસીના ધારાસભ્ય સંદીપ દેસાઇ, ડીઆરડીએના ડાયરેક્ટર (એડી.કલેક્ટર) એમ.બી પ્રજાપતિ, નાબાર્ડના ડિસ્ટ્રિક્ટ ડેવલોપમેન્ટ મેનેજર કુમારી કુંતલબેન સુરતી, ચોર્યાસી તાલુકા પંચાયતના પ્રમુખ તૃપ્તિબેન પ્રવીણભાઈ પટેલ, તાલુકા પંચાયત ચોર્યાસીના કારોબારી અધ્યક્ષ લતાબેન દલપતભાઈ પટેલ તાલુકા પંચાયતના પૂર્વ ઉપપ્રમુખ વાસંતીબેન સુરેશભાઈ પટેલ, ભટલાઈ ગામના સરપંચ શ્રીમતી નર્મદાબેન છોટુભાઈ પટેલ, જિલ્લા પંચાયતના સભ્ય નિલેશભાઈ રાઠોડ, ડિસ્ટ્રિક્ટ લાઈવલીહૂડના મેનેજર નીરવ શાહ સહિતના અનેક આગેવાનો હાજર રહીને સખી મંડળની બહેનોનો ઉત્સાહ વધારી એમને પ્રોત્સાહિત કરી હતી.
સખી મંડળ વાંસવા, પારદેવીમાં સખી મંડળ, ભટલાઇ, સાહેલી સખી મંડળ, ભટલાઇ અને હળપતિ બહેનનોનું ધારાસભ્ય મંડળ, રોશની સખીમંડળ, દામકા,સંતોષી મા સખીમંડળ, વાંસવાના બહેનો જે કામ કરે છે એ કામને વધુ સારી રીતે કરી શકે એ માટે સાધન સહાય આપવામાં આવી છે. અદાણી ફાઉન્ડેશનની સહાય મેળવનાર સખી મંડળના બહેનોએ પોતાનો અનુભવ વ્યક્ત કરીને તેમણે મળેલા સહયોગ અંગે રાજીપો વ્યક્ત કર્યો હતો. અદાણી ફાઉન્ડેશન અનેક સખી મંડળ સાથે સંકળાઇને એમને જરૂરી સહયોગ આપતું રહે છે.
ભટલાઈની સહેલીઓના સખી મંડળને મળ્યો અદાણી ફાઉન્ડેશનનો સહયોગ
હજીરા, સુરત : વર્ષ ૨૦૧૪માં શરૂ થયેલું સહેલી સખી મંડળ સાત વર્ષ સુધી માત્ર બચતની પ્રવૃતિ કરતું હતું. મંડળની બહેનો ઉત્સાહી અને એમણે ભેગા મળી કશુંક નવું કરવું હતું. અદાણી ફાઉન્ડેશન, હજીરાની ટીમ સાથે એમની મુલાકાત થઈ. બહેનોની ઈચ્છા જાણી શું કામ કરી શકે એ જાણ્યું અને એમને પૂરતા સહયોગની ખાતરી આપી. અદાણી ફાઉન્ડેશનના એક કાર્યક્રમમાં આ બહેનોને સૌપ્રથમ ૫૦ ડિશ બનાવવાનો ઓર્ડર આપ્યો. સહેલી સખી મંડળ, ભટલાઈની બહેનો દ્વારા બનાવેલી રસોઈ સૌને ખૂબ ગમી. બસ પછી શું ધીમે ધીમે આ બહેનોને ગામના અને આસપાસના બીજા ઓર્ડર મળવા લાગ્યા. હજીરા વિસ્તારની વિવિધ કંપની પણ આ બહેનો પાસે રસોઈ કરાવે છે. હવે તો ભટલાઇની આસપાસ જો ૩૦૦ થી ૫૦૦ માણસોની રસોઈનો ઓર્ડર હોય તો એ સહેલી સખી મંડળને જ મળે છે. મહિને એક બે ઓર્ડરથી શરૂ થયેલી કેટરિંગ સેવા હવે મહિને ૨૦થી વધુ ઓર્ડર સુધી પહોચી છે. મંડળની બહેનો કામ કરે છે, આવક મેળવે છે અને પગભર થઈ રહી છે.
શરૂઆતની તકલીફો સામે ડગયા વિના આ બહેનો લાગી રહી. અદાણી ફાઉન્ડેશન દ્વારા એમને આર્થિકની સાથે એમને કામ મળે એ માટે સેતુનું કામ પણ કર્યું. આજે યોજાયેલા મહિલા દિવસના કાર્યક્રમમાં સહેલી સખી મંડળ, ભટલાઇની બહેનોને જરૂરી વાસણનો સહયોગ અદાણી ફાઉન્ડેશન તરફથી આપવામાં આવ્યો છે.
