વરાછાની પી.પી.માણીયા હોસ્પિટલ ખાતે ‘બેટી બચાઓ, બેટી પઢાઓ’ યોજના અંતર્ગત જાગૃતતા સેમિનાર યોજાયો

વરાછાની પી.પી.માણીયા હોસ્પિટલ ખાતે ‘બેટી બચાઓ, બેટી પઢાઓ’ યોજના અંતર્ગત જાગૃતતા સેમિનાર યોજાયો
જિલ્લા અને મહિલા બાળ અધિકારીની કચેરી-સુરત દ્વારા વરાછાની પી.પી.માણીયા હોસ્પિટલ ખાતે ‘બેટી બચાઓ, બેટી પઢાઓ’ યોજના અંતર્ગત જાગૃતતા સેમિનાર યોજાયો હતો. જેમાં હોસ્પિટલના તબીબો, સ્ટાફ સહિતની ટીમને PCPNDT એકટ ૧૯૯૪ વિષે વિસ્તારપૂર્વક સમજુતી આપવામાં આવી હતી.
આ અવસરે જિલ્લા આરોગ્ય અધિકારી ડૉ.અનિલ પટેલે પ્રાસંગિક સંબોધનમાં PCPNDT અધિનિયમ હેઠળ ગર્ભાધાન અને પ્રસૂતિ પહેલા કરાતા લિંગ પરીક્ષણથી થતી સજા વિષે કાયદાકીય જાણકારી આપી હતી. તેમણે સ્ત્રી ભ્રૂણ હત્યા રોકવા અને સમાજમાં સ્ત્રી સશક્તિકરણ માટે રાજ્ય સરકાર દ્વારા કાર્યરત યોજનાઓ અંગે જાણકારી આપી હતી. સાથે જ આ પ્રસંગે બેટી બચાઓ અંતર્ગત સામુહિક પ્રતિજ્ઞા લેવામાં આવી હતી.
આ પ્રસંગે મહિલા અને બાળ અધિકારીશ્રી આર.એન.ગામીત, દહેજ પ્રતિબંધક સહ રક્ષણ અધિકારીશ્રી કે.વી.લકુમ, ડીસ્ટ્રીક્ટ મિશન કો-ઓર્ડીનેટરશ્રી સ્મિતા પટેલ, પી.પી. માણીયા હોસ્પીટલના HR અધિકારી ડૉ.મનીષ પટેલ સહિત મહિલા અને બાળ અધિકારીની કચેરીનો સ્ટાફ હાજર રહ્યો હતો.