Surat News: આજરોજ મહાનગર પોલીસ કમિશ્નર શ્રી અનુપમસિંહ ગેહલોત સાહેબની સૂચના તથા સીધી દેખરેખ અને માર્ગદર્શન હેઠળ કચ્છના જખૌ અને માંડવી બીચ સહિતના દરિયાઈ વિસ્તારોમાંથી મોટા પ્રમાણમાં ડ્રગ્સના પેકેટો મળી આવવાના કિસ્સાઓ સામે પગલાં લેવામાં આવ્યા છે. આ સાથે જ સુરત શહેર નજીકના સુવાલી દરિયાકાંઠે પણ અગાઉ આ પ્રકારના પ્રતિબંધિત ડ્રગ્સ મળી આવવાના બનાવો નોંધાયા હતા.
તેણી અસરે એસ.ઓ.જી. ડીસીપી શ્રી રાજદીપસિંહ નકુમ, એસ.ઓ.જી.ના અધિકારીઓ અને કર્મચારીઓની ટીમ, મરીન ટાસ્ક ફોર્સ, હજીરા મરીન પોલીસ સ્ટેશનના અધિકારીઓ તથા પોલીસ કર્મચારીઓની અલગ અલગ ટીમો બનાવીને સુવાલી બીચ અને આસપાસના દરિયાકિનારા વિસ્તારમાં સઘન ચેકીંગ હાથ ધરવામાં આવ્યું. ચેકીંગ દરમિયાન ડ્રોન કેમેરા અને સ્નીફર ડોગ સ્કવોડની મદદ લેવામાં આવી હતી.
ચેકીંગ દરમ્યાન કોઈ ગુન્હાહિત પ્રવૃત્તિ જણાઈ નથી. આ ઉપરાંત સ્થાનિક રહેવાસીઓ અને માછીમારો સાથે સંવાદ કરીને તેમને સતર્ક રહેવા અને દરિયાકાંઠા વિસ્તારમાં કોઈ શંકાસ્પદ ચીજ વસ્તુ કે અજાણ્યા વ્યક્તિઓ જણાય તો તરત પોલીસને જાણ કરવા માટે માર્ગદર્શન આપવામાં આવ્યું.
આવો ચેકીંગ અભિયાન ચાલુ રહેશે અને લોકોને સલામત અને સુરક્ષિત મહેસૂસ કરાવવાનો હેતુ અવિરત રહેશે.