સુરત જિલ્લાના ખેડૂતોએ ખરીફ પાકોના વાવેતર માટે બિયારણની ખરીદી કરતી વખતેકાળજી રાખવી
સુરત જિલ્લાના ખેડૂતોએ ખરીફ પાકોના વાવેતર માટે બિયારણની ખરીદી કરતી વખતેકાળજી રાખવી
ખેડૂતોએ બિયારણની ખરીદી માત્ર અધિકૃત લાયસન્સ/પરવાનો ધરાવતી સહકારી મંડળીઓ, સરકારી સંસ્થાઓ અથવા ખાનગી વિક્રેતા પાસેથી જ કરવી
આગામી ખરીફ પાકોના વાવેતર સમયે બિયારણની ખરીદી કરતી વખતે સુરત જિલ્લાના ખેડૂતોએ કાળજી રાખવાનો અનુરોધ કરવામાં આવ્યો છે. ખેડૂતોએ બિયારણની ખરીદી માત્ર અધિકૃત લાયસન્સ/પરવાનો ધરાવતી સહકારી મંડળીઓ, સરકારી સંસ્થાઓ અથવા ખાનગી વિક્રેતા પાસેથી જ કરવી જેથી છેતરપિંડીનો ભોગ બનતા અટકી શકાય. બિયારણની ખરીદી સમયે વેપારી પાસેથી તેનો લાયસન્સ નંબર, પૂરું નામ-સરનામું, જે બિયારણ ખીદેલ હોય તેનું નામ, લોટ નંબર, ઉત્પાદન અને મુદત પૂરી થવાની વિગત દર્શાવતું બિલ સહી સાથે અવશ્ય લેવું. બિયારણની થેલી સીલ બંધ છે કે કેમ, તેમજ તેની મુદત પૂરી થઈ ગયેલ નથી તે બાબતે ખાસ ચકાસણી કરવી અને કોઈપણ સંજોગોમાં મુદત પૂરી થયેલ હોય તેવા બિયારણની ખરીદી કરવી નહીં. ખાસ કરીને કપાસ પાકના બિયારણની થેલી અથવા પેકેટ કે જેના પર ઉત્પાદકનું નામ, સરનામું અને બિયારણના ધારાધોરણો દર્શાવેલ ન હોય તેવા ૪જી અને પજી જેવા જુદા જુદા નામે વેચાતા અમાન્ય બિયારણની કોઈપણ સંજોગોમાં ખરીદી કરવી નહીં તેમજ આ પ્રકારના બિયારણ વેચાતા હોવાનું જો ધ્યાને આવે તો તાત્કાલિક સંબંધિત તાલુકાના ખેતીવાડી અધિકારી અથવા જિલ્લાના નાયબ ખેતી નિયામકશ્રી(વિસ્તરણ), સુરતને તુરંત જાણ કરવી. વાવણી બાદ ખરીદેલા બિયારણનું પેકેટ/થેલી તેમજ તેનું બિલ પણ સાચવી રાખવા નાયબ ખેતી નિયામક(વિ.) સુરતની યાદીમાં જણાવાયું છે.
