દાદાના કુવા ખાતે સહકારિતા સ્નેહમિલન : નિશાળિયા ગામે સમારંભમાં 7000થી વધુ કાર્યકરોની ભવ્ય હાજરી

દાદાના કુવા ખાતે સહકારિતા સ્નેહમિલન : નિશાળિયા ગામે સમારંભમાં 7000થી વધુ કાર્યકરોની ભવ્ય હાજરી
હસમુખ પટેલ, સાધલી

નિશાળિયા ગામે દાદા ના કુવા પર વડોદરા જિલ્લા ભાજપાના પૂર્વ અધ્યક્ષ શ્રી સતીશ પટેલ (નિશાળીયા) દ્વારા આયોજિત સહકારિતા સ્નેહમિલન તથા સત્કાર સમારોહ સફળતાપૂર્વક પૂર્ણ થયો. જેમાં 7000 ઉપરાંત દરેક ક્ષેત્રના કાર્યકરો હાજર રહ્યા હતા.
છેલ્લા 17 વર્ષ ઉપરાંત થી સતિષભાઈ પટેલ દ્વારા દિપાવલી અને નૂતનવર્ષે સ્નેહ મિલન કાર્યક્રમ યોજવામાં આવે છે, તે પ્રમાણે તારીખ 18 નવેમ્બર 2025 આંતરરાષ્ટ્રીય સહકારીતા વર્ષ 2025 અને આત્મ નિર્ભર ભારત સંકલ્પ અભિયાન 2025 અંતર્ગત હર હર સ્વદેશી, ઘર ઘર સ્વદેશી ના મંત્રને નૂતન વર્ષમાં દાદા ના કુવા નિશાળીયા મુકામે સાકાર કરવામાં આવેલ છે, સહકારીતા સ્નેહમિલન અને સન્માન કાર્યક્રમના પાવન અવસરે યોજાયેલ આ કાર્યક્રમમાં કેમ્પસ નાનું પડ્યું હતું, મોટી સંખ્યામાં કાર્યકર્તાઓ, સહકારી આગેવાનો,સરપંચો , દુધ ડેરી પ્રમુખ, મંત્રી, સદસ્યો અને વિકાસ મંડળીના પ્રમુખો, મંત્રી, સદસ્યો તથા ભાજપ વિચારધારામાં વિશ્વાસ ધરાવતા મહાનુભાવો, યુવાનો, અને 1500 ઉપરાંત બહેનો ઉત્સાહભેર ઉપસ્થિત રહ્યા.અને કાર્યક્રમને યાદગાર અને ભવ્ય બનાવ્યો. પધારેલા આમંત્રિત મહેમાનો પણ વિશાળ માનવ મહેરામણ જોઈને ખીલી ઉઠ્યા હતા.
આ સહકારીતા સ્નેહમિલન માં ખાસ પૂજય સંતો નૌતમસ્વામીજી, તેમજ કહોણા આશ્રમ ના મહંતશ્રી સીતારામ મહારાજ, રાજકીય આગેવાનો બિપીનભાઇ ગોતા – પ્રમુખશ્રી ગુજરાત સહકારીતા સેલ, સાંસદ મનસુખભાઇ વસાવા, બરોડા ડેરી ચેરમેન- દીનુમામા, બરોડા સેન્ટ્રલ કો-ઓપ બેન્ક ચેરમેન, રાજુભાઈ પટેલ, બરોડા ડેરી, વાઇસ ચેરમેન-જી.બી.સોલંકી, જીલ્લા મહામંત્રી ભાજપ- રાજુભાઇ અલવા, વડોદરા જીલ્લા સંઘ પ્રમુખ ચંદ્રવદન પટેલ, એ.પી.એમ.સી શિનોર પ્રમુખ- સચીનભાઇ પટેલ, જગદેવસિંહ પઢીયાર, પ્રવિણસિંહ અટાલીયા, બિરેનભાઇ પટેલ, વિમલભાઇ ભટ્ટ, કરજણ એ.પી.એમ.સીના ડીરેક્ટરશ્રીઓ, તાલુકા પંચાયત અને નગરપાલિકા પ્રમુખશ્રીઓ ઉપસ્થિત રહ્યા. દીપ પ્રાગટ્ય કર્યા બાદ હાજર મહાનુભાવો એ નૂતન વર્ષના અભિનંદન પાઠવી સહકારથી સિદ્ધિ બાબતે જણાવ્યું હતું. સ્વામિનારાયણ સંપ્રદાયના સંતશ્રી નૌતમ સ્વામીએ વિશાળ સંખ્યાથી પ્રભાવિત થઈ ખૂબ જ શ્રવણીય અને મનનીય ઉદબોધન કર્યુ હતું. સતીશભાઈ પટેલ (નિશાળીયા) પૂર્વ ધારાસભ્યશ્રી-કરજણ વિધાનસભા/પૂર્વ અધ્યક્ષ જીલ્લા ભાજપા, વડોદરા દ્વારા પોતાની આગવી છટામાં તમામ આગેવાનો અને કાર્યકર્તાઓનો હાર્દિક આભાર માન્યો અને આગામી સમયમાં પણ સહકારિતાના માર્ગે સાથે મળી વિકાસ કાર્યોને વેગ આપવાની પ્રતિબદ્ધતા વ્યક્ત કરી.કાર્યક્રમ બાદ પ્રીતિભોજનનું આયોજન કરવામાં આવ્યું હતું, જેમાં સૌએ સક્રિય ભાગ લીધો.