સુરત એરપોર્ટ પરથી રૂ.૧.૪૨ કરોડના ૪ કિલોગ્રામ હાઇડ્રોપોનિક વીડ-હાઇબ્રિડ ગાંજા સાથે આંતરરાષ્ટ્રીય મુસાફર ઝડપાયો
સુરત એરપોર્ટ પરથી રૂ.૧.૪૨ કરોડના ૪ કિલોગ્રામ હાઇડ્રોપોનિક વીડ-હાઇબ્રિડ ગાંજા સાથે આંતરરાષ્ટ્રીય મુસાફર ઝડપાયો
આંતરરાષ્ટ્રીય માર્ગે માદક પદાર્થોની હેરાફેરી રોકવા સુરક્ષા એજન્સીઓની ચુસ્ત દેખરેખના પરિણામે સુરત ક્રાઈમ બ્રાન્ચ, કસ્ટમ્સ અને CISFની સંયુક્ત ટીમે હાઇડ્રોપોનિક વીડ જેવા હાઈબ્રિડ ગાંજાના મોટી માત્રામાં જથ્થા સાથે એક મુસાફરને ઝડપી પાડ્યો છે. ગત રોજ બુધવાર તા.૧૭મી નવેમ્બરના સાંજના સુમારે ૦૭:૩૦ વાગ્યે બેંગકોકથી સુરતની એર ઈન્ડિયાની ફ્લાઇટ IX-૨૬૩માં આવેલા એક શંકાસ્પદ મુસાફરના મુસાફરના માલ-સામાનની તપાસ કરતા તેની પાસેથી રૂ..૧,૪૧,૯૨,૫૦૦ના અંદાજિત ૪.૦૫૫ કિલોગ્રામ વજનનાં હાઇડ્રોપોનિક વીડ (હાઇબ્રિડ ગાંજા)નાં ૮ પેકેટ મળી આવ્યા હતા. CISF અને પોલીસની મદદથી મુસાફરને તાત્કાલિક કસ્ટડીમાં લઈ હાઈબ્રિડ ગાંજો જપ્ત કરવામાં આવ્યો હતો. ફોરેન્સિક તપાસ પૂર્ણ કર્યા બાદ ક્રાઇમ બ્રાન્ચની ટીમ દ્વારા મુસાફરને કસ્ટડીમાં લઈને વધુ તપાસ અને કાનૂની કાર્યવાહી હાથ ધરવામાં આવી છે.
