સુરત જિલ્લાના કામરેજ તાલુકાના ગામોમાં મહિલા મતદારોને એકત્રિત કરી ૧૦૦% મતદાન થાય એવા આશયથી “સખી સહેલી સંગે મતદાન” અભિયાન
સુરત જિલ્લાના કામરેજ તાલુકાના ગામોમાં મહિલા મતદારોને એકત્રિત કરી ૧૦૦% મતદાન થાય એવા આશયથી “સખી સહેલી સંગે મતદાન” અભિયાન
લોકશાહીના પર્વમાં વધુ મતદાન નોંધાય અને મહિલા મતદાતાઓ વધુ પ્રમાણમાં જાગૃત થાય માટે “સખી સહેલી સંગે મતદાન” આવકારદાયક પગલું
સુરતઃગુરૂવારઃ લોકસભાની સામાન્ય ચૂંટણીમાં મતદારોની ભાગીદારી વધે અને ચૂંટણી પંચનો “No Voters to be left behind” નો હેતુ સિદ્ધ થાય તેમજ લોકશાહીના પર્વમાં વધુને વધુ મહિલા મતદાતાઓ મતદાન કરે તે માટે દરેક જિલ્લામાં મતદાન જાગૃતિના કાર્યક્રમો યોજાઈ રહ્યા છે, જેના ભાગરૂપે સુરત જિલ્લાના કામરેજ તાલુકાના લસકાણા, કરજણ, વાલક, ભાદા, અને કામરેજ સહિતના ગામોમાં મહિલા મતદારોને એકત્રિત કરી ૧૦૦% મતદાન થાય એવા આશયથી “સખી સહેલી સંગે મતદાન” અભિયાન હેઠળ મતદાન જાગૃતિ કાર્યક્રમ યોજાયા હતા.
જિલ્લા વિકાસ અધિકારી શ્રીમતી શિવાની ગોયલના માર્ગદર્શન હેઠળ મદદનીશ ચૂંટણી અધિકારી-પ્રાંત અધિકારી, મામલતદાર અને આઇસીડીએસ પ્રોગ્રામ ઓફિસરના સહયોગથી આ અભિયાનમાં મહિલા મતદાતાઓને મતદાનના મહત્વ વિશે વિવિધ ફિલ્મનું નિદર્શન, મતદાન શપથ, મતદાનના દિવસે સાથે રાખવાના વિવિધ પુરાવા,મતદાન મથકે મોબાઈલ પ્રતિબંધ વગેરે વિષય પર માહિતી પૂરી પાડી જાગૃત કરવામાં આવ્યા હતા.ત્યારે લોકશાહીના આ પર્વમાં વધુ મતદાન નોંધાય અને મહિલા મતદાતાઓ વધુ પ્રમાણમાં જાગૃત થાય માટે “સખી સહેલી સંગે મતદાન” આવકારદાયક પગલું છે.
“સખી સહેલી સંગે મતદાન” અભિયાનમાં તાલુકાના સીડીપીઓ, સુપરવાઇઝરો, તલાટી કમ મંત્રીઓ, શિક્ષકો, બીએલઓ આંગણવાડી કાર્યકરો, સખીમંડળની બહેનો ગામની મહિલાઓ ઉપસ્થિત રહી હતી
