વિકસિત ભારત સંકલ્પ યાત્રાના રથનું ભવ્ય સ્વાગત કરતા ચોર્યાસી તાલુકાના કપ્લેથા ગામના ગ્રામવાસીઓ:
સુરતઃ શુક્રવાર: કેન્દ્ર અને રાજ્ય સરકારની ફ્લેગશીપ યોજનાઓના લાભો ગામે ગામ સુધી પહોંચે તેવા આશયથી સુરતના ચોર્યાસી તાલુકાના કપ્લેથા ગામે વિકસિત ભારત સંકલ્પ યાત્રાનો રથ આવી પહોંચ્યો હતો. જ્યાં ગ્રામજનો દ્વારા સંકલ્પ યાત્રાના રથનું ભવ્ય સ્વાગત કરાઇ વિકસિત ભારતની સામૂહિક પ્રતિજ્ઞા લીધી હતી.
આ અવસરે સરકારશ્રીની વિવિધ કલ્યાણકારી યોજના મુખ્યમંત્રી માતૃશક્તિ યોજના, મિશન મંગલમ યોજના,પોષણ અભિયાન, પી.એમ.જે.વાય, સખી મંડળ, ગંગા સહાય યોજના, ખેતીવાડી વિભાગ, આરોગ્ય વિભાગના લાભાર્થીઓએ પોતાના અનુભવો જણાવ્યા હતા.
અધિકારીઓ અને તેમજ વિવિધ શાખાઓ દ્વારા કેન્દ્ર અને રાજય સરકારની પોષણ અભિયાન,પ્રધનામંત્રી આવાસ યોજના,ગંગા સહાય યોજના,ઉજ્જવાલા યોજના,પી.એમ કિસાન વય યોજના, કિસાન ક્રેડિટ કાર્ડ યોજના, વિશ્વકર્મા યોજના, આયુષ્યમાન કાર્ડ,જલ જીવન મિશન યોજના, અટલ પેન્શન યોજના, પ્રાકૃતિક ખેતી, પશુપાલન માટેની યોજનાઓ જેવી વિવિધ વિભાગોની યોજનાઓ વિષે વિસ્તૃત માહિતી પુરી પાડવામાં હતી.
આ પ્રસંગે તાલુકા પંચાયત ચોર્યાસી ઉપપ્રમુખશ્રી દિપ્તીબેન રાઠોડ, સામાજીક ન્યાય સમિતિના અધ્યક્ષશ્રી કલ્પનાબેન વાંઝવાલા, મહિલા અગ્રણી આરતીબેન ઠાકુર, અવનીબેન નાયક, કપ્લેથા ગામના ઉપસરપંચશ્રી કિરીટભાઈ સુરતી, તાલુકા વિકાસ અધિકારીશ્રી કિરણભાઈ પારગી, મદદનીશ તાલુકા વિકાસ અધિકારીશ્રી બહાદુરભાઈ વસાવા, તાલુકા પ્રાથમિક શિક્ષણ અધિકારીશ્રી મણીલાલ કે. લાડ, શ્રી ડો. દેવાંગ પટેલ, તેમજ તાલુકા પંચાયતના અધિકારીઓ, કર્મચારીઓ, ICDSના ઈ.ચા સી.ડી.પી.ઓશ્રી , મુખ્ય સેવિકા, આંગણવાડી કાયૅકર,આરોગ્ય સ્ટાફ, RBSK ટીમ તેમજ અન્ય વિભાગના અધિકારી, કર્મચારી ગણ, ગ્રામજનો, લાભાર્થીઓ મોટી સંખ્યામાં ઉપસ્થિત રહ્યા હતા.
