સુરતમાં હાર્ટફુલનેસ એપનો ગુજરાતીમાં આરંભ
૬,૦૦૦ થી વધુ કોર્પોરેટ સભ્યો અને ૨૫૦ થી વધુ વિદ્યાર્થીઓનું પૂજ્ય દાજીના માર્ગદર્શન હેઠળ ધ્યાન
સુરત, ૪ ઑગસ્ટ ૨૦૨૪: ઉદ્યોગસાહસિકો, કોર્પોરેટ્સ અને અભ્યાસીઓની હાજરીમાં એક કાર્યક્રમમાં હાર્ટફુલનેસે ગુજરાતી ભાષામાં હાર્ટફુલનેસ એપની શરૂઆત કરી છે. હાર્ટફુલનેસ એપ વપરાશકર્તા માટે પોતાની સગવડતા અનુસાર દૂરસ્થ રીતે ધ્યાન કરવા અને ગમે ત્યાં અને કોઈપણ સમયે હાર્ટફુલનેસ ધ્યાનના લાભો મેળવવા માટે એક સરળ સાધન છે. પૂજ્ય દાજીએ – હાર્ટફુલનેસના માર્ગદર્શક અને શ્રી રામચંદ્ર મિશનના પ્રમુખ – તેમની બે દિવસીય સુરતની મુલાકાત દરમિયાન આ કાર્યક્રમમાં હાજરી આપીને તેની શોભા વધારી હતી. આ કાર્યક્રમમાં અન્ય મહાનુભાવો, શ્રી એચ.પી. રામા – AURO યુનિવર્સિટી, ગુજરાતના સ્થાપક અને પ્રમુખ; શ્રી સવજી ધોળકિયા – સાહસિક ઉદ્યોગપતિ, ડો. વિનોદ જોશી – જાણીતા ગુજરાતી કવિ અને શ્રી ભાગ્યેશ ઝા – નિવૃત્ત IAS અધિકારી ઉપસ્થિત રહ્યા હતા.
આ કાર્યક્રમમાં પૂજ્ય દાજીનાં બેસ્ટ સેલર્સ પુસ્તકો જેવા કે ‘સ્પિરિચ્યુઅલ એનાટોમી’, ‘ધ વિઝડમ બ્રિજ’ અને ‘યર્નિંગ ઑફ ધ હાર્ટ’નું ગુજરાતી ભાષામાં પુનઃપ્રકાશન પણ કરવામાં આવ્યું હતું. આ પછી પૂજ્ય દાજી સાથે ડો. વિનોદ જોશીનો હૃદયસ્પર્શી વાર્તાલાપ સ્પિરિચ્યુઅલ એનાટોમી પુસ્તકની આસપાસ કેન્દ્રિત રહ્યો હતો, જેમાં દાજીએ આપણી આંતરિક ક્ષમતાને બહાર લાવવી, ધ્યાનની સુસંગતતાને સમજવી અને આપણા રોજિંદા જીવન પર તેની ઊંડી અસરનો સાર સમજાવ્યો હતો. તેમણે સમજાવ્યું કે ધ્યાન કેવી રીતે સંતુલિત જીવનશૈલીને પ્રોત્સાહન આપે છે અને કેવી રીતે સર્વગ્રાહી સુખાકારીમાં યોગદાન આપે છે. આ અભ્યાસને એકીકૃત કરીને, આપણે આપણા આંતરિક સ્વ સાથે સુમેળ સાધી શકીએ છીએ, જે આપણને વધુ પરિપૂર્ણ અને શાંત અસ્તિત્વ તરફ દોરી જાય છે. બીજા એક રોમાંચક વાર્તાલાપમાં, શ્રી ભાગ્યેશ ઝાએ દાજીને વિઝડમ બ્રિજ વિશે પ્રશ્નો પૂછ્યા હતા, જેમાં દાજીએ આજના વિશ્વમાં ગહન સૂઝ અને સંભાળ સાથે પરિવારના ઉછેર અને વાલીપણાનાં સાર પર પ્રકાશ પાડ્યો હતો. તેમણે ભારપૂર્વક જણાવ્યું હતું કે આગામી પેઢીનું વાલીપણું એ એક કળા છે, જે આપણી ઊંડાણમાં રહેલી ક્ષમતાનો વિકાસ કરે છે. વધુમાં, હાર્ટફુલનેસના અન્ય કેટલાક પુસ્તકો સહભાગીઓને રાહત દરે ઉપલબ્ધ કરાવવામાં આવ્યા હતા.
હાર્ટફુલનેસના માર્ગદર્શક અને શ્રી રામચંદ્ર મિશનના પ્રમુખ, પૂજ્ય દાજીએ જણાવ્યું હતું કે, “ધ્યાન અપનાવવા અને તેને તેમના જીવનનો એક ભાગ બનાવવા માટે સહભાગીઓની તૈયારી જોઈને ઘણો આનંદ થયો છે. વિદ્યાર્થીઓથી લઈને કોર્પોરેટ્સથી લઈને ઉદ્યોગસાહસિકો સુધી, બધાંએ ધ્યાનને સર્વગ્રાહી સુખાકારી અને વ્યક્તિની સર્વોત્તમ સંભવિતતા પ્રાપ્ત કરવા માટે સૌથી વધુ સુલભ સાધન બનાવવું જોઈએ.”
AURO યુનિવર્સિટીના સ્થાપક અને પ્રમુખ, શ્રી એચ.પી. રામાએ જણાવ્યું હતું કે, “ધ્યાનનું હંમેશાં, દરેક સમયે મહત્વ રહ્યું છે. ધ્યાન એ ચિંતન માટે એક અનિવાર્ય સાધન છે, જે આપણને સ્વ સાથે અને પરમાત્માની સાથે જોડે છે અને આપણામાં ઉચ્ચ સ્તરની ચેતના પ્રગટ કરે છે. શ્રી અરબિંદોએ દાયકાઓ પહેલા આ સંદેશ ફેલાવ્યો હતો. આજે પૂજ્ય દાજી ધ્યાનને બધા માટે સુલભ બનાવી રહ્યા છે. તેના વિશે જાણવાની એક ઉચ્ચ કોટિની રીત હાર્ટફુલનેસ એપ છે. હું સહભાગીઓને દાજીના આ પુસ્તકો વાંચવા અને પોતાના સાચા સ્વભાવને બહાર લાવવાની ભલામણ પણ કરું છું.”
સાહસિક ઉદ્યોગપતિ શ્રી સવજી ધોળકિયાએ કહ્યું, “ધ્યાન તમને સ્પષ્ટતા સાથે વિચારવા અને જીવનમાં તમારા હેતુને શોધવા શક્તિમાન બનાવે છે. અમે ખૂબ જ ખુશ છીએ કે પૂજ્ય દાજી આજે અમારી સાથે છે અને પ્રણાહુતિ દ્વારા ધ્યાન કરવા વિશે અમને માર્ગદર્શન આપી રહ્યા છે. આંતરિક સ્વ સાથે જોડાવાનો અને આપણી શક્તિઓને સકારાત્મક રીતે વહન કરવાનો આ સૌથી સહેલો માર્ગ છે. સાહસિક ઉદ્યોગપતિ તરીકે આપણે વ્યવસાયમાં મોટા નિર્ણયો લેવાની જરૂર હોય છે. એજ રીતે જીવનના વિવિધ ક્ષેત્રના લોકોને પણ તેની જરૂર પડતી હોય છે. ધ્યાન એ નિર્ણય લેવાની શક્તિનો ઉપયોગ કરવાનો માર્ગ છે.”
આગલા દિવસે દાજીએ ૬,000 થી વધુ કોર્પોરેટ સભ્યો માટે હાર્ટફુલનેસ ધ્યાનના સત્રનું સંચાલન કર્યું હતું. પૂજ્ય દાજીએ શાળાના ૨૫૦ થી વધુ વિદ્યાર્થીઓને પણ સંબોધિત કર્યા હતા અને તેમને AURO મેડિટેશન હોલમાં જીવનના માર્ગ તરીકે હાર્ટફુલનેસ અને ધ્યાનનો પરિચય કરાવ્યો હતો.
હાર્ટફુલનેસ વિષે: હાર્ટફુલનેસ ધ્યાનના અભ્યાસો દ્વારા જીવનશૈલીમાં ફેરફાર કરવાની એક સરળ પદ્ધતિ પ્રસ્તુત કરે છે, જે સૌ પ્રથમ વીસમી સદીના અંતમાં વિકસાવવામાં આવી હતી અને એક સમયે હૃદયમાં શાંતિ, સુખ અને શાણપણ લાવવાના લક્ષ્ય સાથે ભારતમાં ૧૯૪૫માં શ્રી રામચંદ્ર મિશન દ્વારા આ અભ્યાસોને ઔપચારિક સ્વરૂપ આપવામાં આવ્યું હતું. આ અભ્યાસો યોગનું આધુનિક સ્વરૂપ છે, જે હેતુપૂર્ણ જીવન તરફના પ્રથમ પગલા તરીકે સંતોષ, આંતરિક શાંતિ અને સ્થિરતા, કરુણા, હિંમત અને વિચારોની સ્પષ્ટતા કેળવવા માટે રચાયેલ છે. જીવનના તમામ ક્ષેત્રો, સંસ્કૃતિઓ, ધાર્મિક માન્યતાઓ અને આર્થિક પરિસ્થિતિઓના લોકો માટે અને જેઓ પંદર વર્ષથી મોટા છે, તેમના માટે આ અભ્યાસો અપનાવવામાં સરળ અને સહજ છે. વિશ્વભરમાં હજારો વિદ્યાર્થીઓ શાળાઓ અને કોલેજોમાં તથા ૧,00000 થી વધુ વ્યાવસાયિકો કોર્પોરેશનો, બિન-સરકારી અને સરકારી સંસ્થાઓમાં હાર્ટફુલનેસ અભ્યાસની તાલીમ લઇ રહ્યા છે. ૫,૦૦૦ થી વધુ હાર્ટફુલનેસ કેન્દ્રોને ૧૬૦ દેશોમાં હજારો પ્રમાણિત સ્વયંસેવક પ્રશિક્ષકો (ટ્રેનર્સ) અને લાખો અભ્યાસીઓ દ્વારા સમર્થન આપવામાં આવી રહ્યું છે.
