બાંદ્રા રેલવે સ્ટેશન પર ટ્રેનમાં ચઢતી વખતે નાસભાગ, 9 લોકો ઘાયલ
મુંબઈઃ દેશની આર્થિક રાજધાની મુંબઈથી મોટા સમાચાર સામે આવ્યા છે. મુંબઈના બાંદ્રા ટર્મિનસ રેલ્વે સ્ટેશન પર ટ્રેનમાં ચઢતી વખતે મુસાફરોની ભીડ વધવાને કારણે અરાજકતા સર્જાઈ હતી. આ ઘટના બાંદ્રા-ગોરખપુર ટ્રેનમાં ચઢતી વખતે બની હતી. આ નાસભાગમાં ઘણા લોકો ઘાયલ થયા છે અને તેમને સારવાર માટે ભાભા હોસ્પિટલમાં દાખલ કરવામાં આવ્યા છે. સાત ઘાયલોની હાલત સ્થિર છે અને બેની હાલત ગંભીર હોવાનું કહેવાય છે. ઘાયલોની સંખ્યામાં હજુ વધારો થવાની આશંકા છે. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે.
બાંદ્રા ટર્મિનસ રેલવે સ્ટેશન પર રવિવારે સવારે નાસભાગ મચી ગઈ હતી. પ્લેટફોર્મ નંબર 1 પર ભીડના કારણે નવ મુસાફરોને ઈજા થઈ હતી. આ ઘટના સવારે છ વાગ્યાની આસપાસ બની હતી. મુસાફરો બાંદ્રા-ગોરખપુર એક્સપ્રેસ ટ્રેન નંબર 22921ની રાહ જોઈ રહ્યા હતા, જે સવારે 5:10 વાગ્યે ઉપડવાની હતી. BMCના ડિઝાસ્ટર મેનેજમેન્ટ સેલ દ્વારા આપવામાં આવેલી માહિતી અનુસાર, હોસ્પિટલના મેડિકલ ઓફિસરે પુષ્ટિ કરી છે કે નવ ઘાયલ મુસાફરોને દાખલ કરવામાં આવ્યા છે. જેમાંથી બેની હાલત નાજુક હોવાનું કહેવાય છે જ્યારે બાકીના સાતની હાલત સ્થિર છે.
