મણિપુરમાં હિંસા ફાટી નીકળ્યાને લગભગ એક વર્ષ થઈ ગયું છે, પરંતુ હિંસા અટકવાના સંકેત દેખાઈ રહ્યા નથી. રાજ્યમાંથી દરરોજ ગોળીબાર અને હુમલાની ઘટનાઓ પ્રકાશમાં આવતી રહે છે. મણિપુરમાંથી ફરી એકવાર હિંસાની ઘટના સામે આવી છે. કુકી આતંકવાદીઓએ શનિવારે મધરાતે નારાનસેન વિસ્તારમાં હુમલો કર્યો હતો. આ ઘટનામાં CRPFના બે જવાન શહીદ થયા છે. ગોળીબાર બાદ વિસ્તારમાં તંગદિલીનો માહોલ છે અને ભારે સુરક્ષા દળો તૈનાત કરવામાં આવ્યા છે.
મણિપુર પોલીસે આ અંગે માહિતી આપી છે. તેમણે કહ્યું કે, ‘કુકી આતંકવાદીઓએ મધરાતથી સવારના ૨.૧૫ વાગ્યા સુધી હુમલો કર્યો હતો. અન્ય સૈનિકો ગંભીર રીતે ઘાયલ થયા છે. હુમલા દરમિયાન એક સબ ઇન્સ્પેક્ટરનું મૃત્યુ થયું હતું અને ત્રણ સૈનિકો ગંભીર રીતે ઘાયલ થયા હતા. આ પછી ગંભીર રીતે ઘાયલ હેડ કોન્સ્ટેબલનું પણ મૃત્યુ થયું હતું.હુમલામાં માર્યા ગયેલા સૈનિકો રાજ્યના બિષ્ણુપુર જિલ્લાના તારાનસેના વિસ્તારમાં તૈનાત CRPFની ૧૨૮મી બટાલિયનના હતા!
લોકસભા ચૂંટણી૨૦૨૪ના મતદાન દરમિયાન પણ મણિપુરમાં ઘણી હિંસા ભડકી હતી. આ કારણોસર, ચૂંટણી પંચે આંતરિક મણિપુર બેઠકના ૧૧ મતદાન મથકો પર ફરીથી મતદાન કરાવવાનો નિર્ણય લીધો હતો. અહીં લોકસભાની બે બેઠકો છે, પરંતુ ચૂંટણી પંચે આઉટર મણિપુર બેઠક માટે બે તબક્કામાં મતદાન કરાવવાનો નિર્ણય કર્યો હતો. છેલ્લા એક વર્ષથી અહીં સતત હિંસા થઈ રહી છે અને હવે આતંકવાદીઓએ જવાનો પર પણ હુમલો કરવાનું શરૂ કરી દીધું છે.
