ઉદ્ઘાટકો અને અતિથિ વિશેષોની ગેરહાજરી વચ્ચે શિનોરમાં વિજ્ઞાન–ગણિત–પર્યાવરણ પ્રદર્શન યોજાયું
ઉદ્ઘાટકો અને અતિથિ વિશેષોની ગેરહાજરી વચ્ચે શિનોરમાં વિજ્ઞાન–ગણિત–પર્યાવરણ પ્રદર્શન યોજાયું
✍️હસમુખ પટેલ, સાધલી
શિનોર તાલુકાના મોટા ફોફળિયા મુકામે બી.આર.સી. ભવન શિનોર દ્વારા મુખ્ય ઉદઘાટક તથા તમામ અતિથિ વિશેષો ની ગેરહાજરીમાં જીતેન્દ્ર સી. પટેલના હસ્તે વિજ્ઞાન, ગણિત અને પર્યાવરણ પ્રદર્શન આજે યોજવામાં આવ્યું.
જી.સી.ઈ.આર.ટી. ગાંધીનગર પ્રેરિત જિલ્લા શિક્ષણ અને તાલીમ ભવન વડોદરા અને જિલ્લા શિક્ષણ સમિતિ વડોદરાના સંયુક્ત ઉપક્રમે બી.આર.સી. ભવન શિનોર દ્વારા વિજ્ઞાન, ગણિત અને પર્યાવરણ પ્રદર્શન 2025 – 26 મુખ્ય વિષય *વિકસિત અને આત્મ નિર્ભર માટે સ્ટેમ * પર આજરોજ તારીખ 26 નવેમ્બર 2025 સવારના 10:00 કલાકે જ્ઞાન શક્તિ રેસીડેન્સીયલ સ્કૂલ ઓફ એક્સેલન્સ મોટા ફોફળિયા મુકામે યોજાયું. આમંત્રણ પત્રિકામાં દર્શાવ્યા મુજબ મુખ્ય ઉદઘાટક અક્ષય પટેલ, ધારાસભ્ય, અતિથિ વિશેષ ગાયત્રીબા, જિલ્લા પંચાયત પ્રમુખ, જીગ્નેશ વસાવા શિક્ષણ સમિતિ ચેરમેન ,અર્ચનાબેન રાય તાલુકા પંચાયત પ્રમુખ, દીપકભાઈ બાવીસ્કર પ્રાચાર્ય DIET, ,મહેશભાઈ પાંડે જિલ્લા શિક્ષણાધિકારી તમામની ગેરહાજરીમાં શક્તિ કૃપા ચેરીટેબલ ટ્રસ્ટના ટ્રસ્ટી જીતેન્દ્રભાઈ સી.પટેલના હસ્તે દીપ પ્રાગટ્ય કરીને ખુલ્લુ મુકવામાં આવ્યું. તેઓની સાથે મદદનીશ ટી.ડી.ઓ. હિતેન્દ્ર વસાવા, સી.ડી.પી.ઓ. શિવાનીબેન, તાલુકા પ્રાથમિક શિક્ષણાધિકારી કૃણાલ શાહ બી.આર.સી કો-ઓર્ડીનેટર પ્રિતેશભાઈ ધોબી જોડાયા હતા. મહેમાનોનું શાળાના બાળકો દ્વારા સ્વાગત ગીત થી સ્વાગત કરવામાં આવ્યું હતું. આજના પ્રદર્શનમાં 24 શાળાની 24 કૃતિઓ સાથે 48 બાળકો જોડાયા હતા. શિનોર તાલુકાની શાળા પરિવાર સાથે જોડાયેલા આચાર્યો તથા સંઘના હોદ્દેદારો હાજર રહ્યા હતા. આમંત્રણ કાર્ડમાં દર્શાવેલા ઉદ્ઘાટક તથા અતિથિ વિશેષોની ગેરહાજરી ચર્ચાનો વિષય બની હતી. આમંત્રણ આપનાર લાઇઝન અધિકારી DIET ના આર.જે. ધોરેયા પણ ગેરહાજર હતા.
