સુરત ખાતે સરદાર વલ્લભભાઈ પટેલની જન્મજયંતિના અવસરે ‘રાષ્ટ્રીય એકતા રન’ યોજાઈ
દેશની એકતા, અખંડિતતા અને સુરક્ષા માટે સંકલ્પબદ્ધ બનવા સુરતવાસીઓએ રાષ્ટ્રીય એકતાના શપથ લીધા
એકતા દોડમાં પોલીસ કમિશનર સહિતના પદાધિકારી-અધિકારીઓ જોડાયા
દેશની એકતા અને અખંડિતતાના પ્રેરક એવા લોહપુરુષ સરદાર વલ્લભભાઈ પટેલની જન્મજયંતિ- ૩૧મી ઓકટોબરે ‘એક ભારત, શ્રેષ્ઠ ભારત’ની પરિકલ્પનાને સાકારિત કરવા માટે રાષ્ટ્રીય એકતા દિવસના અવસરે સુરત શહેરમાં ‘રાષ્ટ્રીય એકતા રન’ યોજાઈ હતી. આ દોડને પોલીસ કમિશનરશ્રી અનુપમસિંહ ગહલોતે લીલી ઝંડી આપી પ્રસ્થાન કરાવ્યું હતું.
સુરતના પોલીસ પરેડ ગ્રાઉન્ડ ખાતેથી વહેલી સવારે યોજાયેલી એકતા દોડમાં પોલીસ જવાનો, યુવાનો સહિતના નાગરિકો દેશની એકતાની ભાવના સાથે દોડમાં જોડાયા હતા. આ દોડ પોલીસ પરેડ ગ્રાઉન્ડથી પોલીસ હેડ ક્વાર્ટર થઈ SVNIT સર્કલ અને ત્યાંથી પરત પોલીસ હેડ ક્વાર્ટર થી પોલીસ પરેડ ગ્રાઉન્ડ કેમ્પસ સુધીના રૂટ પર યોજાઈ હતી. પોલીસકર્મીઓ બેનરો સાથે સાઈબર સેફ સુરત, નો ડ્રગ્સ ઈન સુરત જેવા સ્લોગનો સાથે રેલીમાં જોડાયા હતા. એકતા દોડમાં પોલીસ કમિશનર સહિતના પદાધિકારી-અધિકારીઓ જોડાયા*
કાર્યક્રમમાં ઉપસ્થિત સૌએ દેશની એકતા, અખંડિતતા અને સુરક્ષા માટે સંકલ્પબદ્ધ બનવા માટે રાષ્ટ્રીય એકતાના શપથ લીધા હતા.
