અદાણી લોજિસ્ટિક્સ દ્વારા ICD તુંબ અને ICD પાટલી વચ્ચે પ્રથમ ડબલ સ્ટેક રેકનો પ્રારંભ
અદાણી લોજિસ્ટિક્સ દ્વારા ICD તુંબ અને ICD પાટલી વચ્ચે પ્રથમ ડબલ સ્ટેક રેકનો પ્રારંભ
તુંબ-પાટલી ડબલ સ્ટેક કનેક્શન ગેમચેન્જર બનવા તૈયાર
અમદાવાદ તા.૧ : નૂર ગતિશીલતાને પુન:વ્યાખ્યાયિત કરવા અદાણી લોજિસ્ટિક્સ લિમિટેડ (ALL) એ એક વિશાળ છલાંગ ભરી છે. ALL દ્વારા પ્રથમ ડબલ સ્ટેક રેક સેવા શરૂ કરવામાં આવી છે. જે વાપી (ગુજરાત) નજીકના ઇનલેન્ડ કન્ટેનર ડેપો (ICD) તુંબને હરિયાણાના ICD પાટલી સાથે જોડે છે. ઉચ્ચ-કાર્યક્ષમતા, ટકાઉ લોજિસ્ટિક્સ તરફની ભારતની સફરમાં તે એક મહત્વપૂર્ણ સીમાચિહ્નરૂપ છે. અદાણી લોજિસ્ટિક્સના મલ્ટિમોડલ ઇન્ફ્રાસ્ટ્રક્ચરને નવીનતામાં તે મોખરે રાખે છે.
ડબલ સ્ટેક રેક કન્ટેનરના બે-સ્તરો એક બીજા ઉપર સ્ટેક કરેલા પ્રતિ ટ્રીપ પરિવહન કાર્ગોના જથ્થામાં વધારો કરે છે. તેનાથી માત્ર કાર્યકારી કાર્યક્ષમતામાં જ નહીં, પરંતુ વાપી, સિલવાસા અને દમણના ઉત્પાદન કેન્દ્રો અને દિલ્હી-નેશનલ કેપિટલ રિજન (NCR), હરિયાણા અને પંજાબના વપરાશ કેન્દ્રો વચ્ચે કાર્યરત ગ્રાહકોનો પરિવહન સમય, કાર્બન ફૂટપ્રિન્ટ અને લોજિસ્ટિક્સ ખર્ચમાં પણ ઘટાડો થાય છે.
ALLના એક વરિષ્ઠ અધિકારીએ જણાવ્યું હતું કે “ફક્ત કન્ટેનર ખસેડવા માટે જ નથી પરંતુ તે ભારતની સપ્લાય ચેઇનના લાભને પૂરક વેગ આપવા મહત્વપૂર્ણ છે, ડબલ-સ્ટેક રેલ સાથે અમે ગ્રાહકોને ઝડપી, હરિયાળી અને વધુ ખર્ચ-અસરકારક સેવા આપી શકીએ છીએ.” આ પહેલ લોજિસ્ટિક્સમાં આત્મનિર્ભર ભારતના સ્વપ્નને સાકાર કરવા માટે એક પ્રેરણાદાયી ઉદાહરણ સ્થાપિત કરશે.
ICD Tumb અને ICD Patli વચ્ચેની વ્યૂહાત્મક કડીથી રોડ ફ્રેઇટમાં ભીડ ઓછી થવાની, પ્રતિ કન્ટેનર 30 ટકા સુધી ઉત્સર્જનમાં ઘટાડો થવાની અને ગુજરાતમાં મુન્દ્રા અને હજીરા જેવા પશ્ચિમી બંદરો દ્વારા નિકાસ-આયાત ટ્રાફિકને સુવ્યવસ્થિત થવાની અપેક્ષા છે. દક્ષિણ ગુજરાત અને ઉત્તર ભારતના ઉદ્યોગો ખાસ કરીને કાપડ, ફાર્માસ્યુટિકલ્સ, ઇલેક્ટ્રોનિક્સ અને રસાયણો માટે આ કોરિડોર બેજોડ ગતિ, વિશ્વસનીયતા અને માપનીયતા પ્રદાન કરે છે.
ભારત લોજિસ્ટિક્સ ખર્ચને તેના કુલ સ્થાનિક ઉત્પાદન (GDP) ના 14 ટકાથી ઘટાડીને 10 ટકા સુધી લાવવાનું લક્ષ્ય ધરાવે છે, ત્યારે ડબલ સ્ટેક રેલ જેવી નવીનતાઓ મહત્વપૂર્ણ છે. અદાણી લોજિસ્ટિક્સ પહેલાથી જ મલ્ટિ-મોડલ લોજિસ્ટિક્સ પાર્ક, ICD અને વેરહાઉસનું નેટવર્ક ચલાવે છે, તેના માટે આ લોન્ચ એક સીમાચિહ્નરૂપ કરતાં વધુ છે.
જેમ જેમ માલની માંગ વધશે, તેમ તેમ તુંબ-પાટલી ડબલ સ્ટેક કનેક્શન ગેમચેન્જર બનવા તૈયાર છે. તે ભારતના ઉત્પાદન કરોડરજ્જુને વપરાશના કેન્દ્ર સાથે જોડે છે. દેશના સૌથી મોટા પોર્ટ ઓપરેટર, અદાણી પોર્ટ્સ એન્ડ સ્પેશિયલ ઇકોનોમિક ઝોન (APSEZ) નો ભાગ અદાણી લોજિસ્ટિક્સ લિમિટેડ આ પહેલ દ્વારા ‘ઇઝ ઓફ ડુઇંગ બિઝનેસ’ ને વધુ મજબૂત બનાવી રહી છે.
