બેડીયા ખાતે કૃભકો દ્વારા ફર્ટીલાઇઝર પ્રમોશન કૅમ્પનું સફળ આયોજન
વિશ્વની અગ્ર ગણ્ય સહકારી સંસ્થા ક્રુષક ભારતી કો. ઓપરેટીવ લી. (ક્રુંભકો ) દ્વારા આયોજિત ફર્ટીલાઇઝર પ્રમોશન કેમ્પેઇન નું આયોજન કવાંટ તાલુકાના બેડીયા ખાતે રાખવામાં આવ્યું હતું.
તારીખ 24 નવેમ્બર 2025 ના રોજ કવાંટ તાલુકાના બેડીયા મુકામે ક્રુંભકો દ્વારા ફર્ટિલાઇઝર પ્રમોશન કેમ્પેઇન નું આયોજન કરવામાં આવ્યું હતું. કાર્યક્રમના પ્રમુખ પદે નાનસિંગભાઈ રાઠવા સરપંચ (બેડીયા) હાજર રહ્યા હતા. તેમજ સંસ્થાના એરિયા મેનેજર જયેશભાઈ પટેલ તેમજ ગુજકોમાસોલ સંસ્થાના ઝોનલ ઓફિસર વિક્રાંતભાઇ ભટ્ટ તેમજ મોટી સંખ્યામાં ખેડૂતો હાજર રહ્યા હતા. આ કાર્યક્રમમાં ક્રિપોના નવીનતમ ઉત્પાદનો જેવા કે રાઇઝો સુપર, સિવાટીકા બાયો ફર્ટીલાઇઝર વિષય પર વિશેષ ચર્ચા કરવામાં આવી હતી, તેમજ રાસાયણિક ખાતર નો વપરાશ ઘટાડી બીજા વૈકલ્પિક ઉત્પાદનો વાપરવાની ચર્ચા કરવામાં આવી હતી. સમગ્ર કાર્યક્રમનું સફળ આયોજન કૃભકો ના ક્ષેત્રિય અધિકારી દક્ષ સુદાણી દ્વારા કરવામાં આવ્યું હતું.
