રક્ષાબંધન પર બદલાયો રાખડીનો અંદાજ, હવે સોના અને હીરાની રાખડીઓનું વધ્યું ચલણ
રક્ષાબંધનનો તહેવાર ભાઈ-બહેનના પ્રેમ અને વિશ્વાસનું પ્રતીક છે. બદલાતા સમય સાથે રાખડી બાંધવાની પરંપરા પણ નવા અંદાજમાં જોવા મળી રહી છે. આજકાલ ખાસ કરીને નવી પેઢી અને Gen-Z માં પરંપરાગત દોરાની રાખડી સાથે સોના અને હીરાથી સજાવેલી રાખડીઓ તેમજ બ્રેસલેટનું ચલણ ઝડપથી વધી રહ્યું છે.
હવે બહેનો પોતાના ભાઈઓના કાંડા પર ફક્ત દોરાની રાખડી જ નહીં, પરંતુ ગોલ્ડ બ્રેસલેટ, ડાયમંડ રાખડી અને જ્વેલરી રાખડી પણ બાંધી રહી છે. આ રાખડીઓને એવી રીતે ડિઝાઇન કરવામાં આવે છે કે રક્ષાબંધન પછી પણ ભાઈઓ તેને બ્રેસલેટની જેમ પહેરી શકે.
તથાસ્તુ જ્વેલ્સના જણાવ્યા અનુસાર, આ રક્ષાબંધન પર ગ્રાહકોમાં પરંપરાગત રાખડીઓની સાથે પ્રીમિયમ ગોલ્ડ અને ડાયમંડ રાખડીઓને લઈને ખાસ રસ જોવા મળી રહ્યો છે. ખાસ કરીને યુવા વર્ગ વચ્ચે રાખડીને એક યાદગાર અને લાંબા સમય સુધી પહેરી શકાય તેવી ભેટ તરીકે જોવાનો નવો ટ્રેન્ડ સામે આવ્યો છે.
આ રીતે રક્ષાબંધનની સદીઓ જૂની પરંપરા હવે આધુનિક જ્વેલરી અને નવી ફેશન સાથે જોડાઈને એક નવું રૂપ લઈ રહી છે.
