પ્રથમ વન-ડેમાં ઝિમ્બાબ્વેએ પાકિસ્તાનને હરાવ્યુ
બુલાવાયો (ઝિમ્બાબ્વે): ઓલરાઉન્ડર સિકંદર રઝાના શાનદાર પ્રદર્શનથી ઝિમ્બાબ્વેએ વરસાદથી પ્રભાવિત પ્રથમ વન-ડે ઈન્ટરનેશનલમાં ડકવર્થ-લુઈસના નિયમથી પાકિસ્તાનને 80 રનથી હરાવ્યુ.
પાકિસ્તાની મૂળના રઝાએ 39 રનની મહત્વપૂર્ણ ઇનિંગ રમીને ઝિમ્બાબ્વેને સાત વિકેટે 125 રનથી 205 રન સુધી પહોંચાડવામાં મદદ કરી હતી. તેણે નંબર 9 બેટ્સમેન રિચર્ડ નાગરવા સાથે 8મી વિકેટ માટે 62 રનની ભાગીદારી કરી હતી. રિચર્ડે સૌથી વધુ 48 રન બનાવ્યા હતા. રઝા (સાત રનમાં બે વિકેટ) એક ઓવરમાં બે વિકેટ લીધી જેના કારણે પાકિસ્તાનની ટીમ 21 ઓવરમાં છ વિકેટે 60 રન પર મુશ્કેલીમાં મુકાઈ ગઈ હતી.ત્યારબાદ વરસાદ આવ્યો અને મેચ રમાઈ શકી ન હતી, જેના કારણે ઝિમ્બાબ્વેને ત્રણ મેચની વનડે શ્રેણીમાં 1-0ની લીડ અપાઈ હતી. એક પ્રયોગ તરીકે, પાકિસ્તાને આગામી વર્ષની ચેમ્પિયન્સ ટ્રોફી પહેલા તેની ‘બેન્ચ સ્ટ્રેન્થ’ ચકાસવા માટે 2019 પછી પ્રથમ વખત તેના ટોચના બેટ્સમેન બાબર આઝમને ODIમાં આરામ આપ્યો. ODI શ્રેણી બાદ બુલાવાયોમાં ત્રણ T20 મેચો પણ રમાશે.
