અગ્રવાલ સમાજ વિદ્યા વિહાર ટ્રસ્ટની નવી કારોબારીની રચના થઈ
સંજય અગ્રવાલ બન્યા પ્રમુખ
અગ્રવાલ સમાજ વિદ્યા વિહાર ટ્રસ્ટની નવી કારોબારીની પ્રથમ બેઠકનું આયોજન રવિવારે વેસુ સ્થિત અગ્રવાલ વિદ્યા વિહાર સ્કૂલમાં કરવામાં આવ્યું હતું. બેઠકમાં આગામી બે વર્ષ માટે નવી કારોબારીની રચના કરવામાં આવી હતી.
બેઠકમાં નિવર્તમાન પ્રમુખ સંજય સરાવગીએ પ્રમુખ પદ માટે સંજય અગ્રવાલના નામનો પ્રસ્તાવ મૂક્યો હતો. તમામ સભ્યોએ પોતાની સર્વસંમતિ દર્શાવીને તેને મંજૂરી આપી હતી. આ ઉપરાંત અર્જુનદાસ ભૂત અને રાકેશ કંસલને ઉપપ્રમુખ, બાલકિશન અગ્રવાલને મંત્રી, કમલ ટાટનવાલાને ખજાનચી, દિનેશ અગ્રવાલને સહમંત્રી અને રણજીત કેજરીવાલને સહખજાનચી બનાવવામાં આવ્યા હતા.
નવનિર્વાચિત કારોબારીએ સામૂહિક રીતે સંકલ્પ વ્યક્ત કર્યો કે સંસ્થાની શિક્ષણ પ્રણાલી, સાંસ્કૃતિક સંસ્કારો, વહીવટી મજબૂતી તેમજ ભાવિ વિકાસ યોજનાઓને વધુ અસરકારક રીતે આગળ વધારવામાં આવશે. અંતમાં તમામ હોદ્દેદારોને અભિનંદન પાઠવવામાં આવ્યા હતા. આ પ્રસંગે ટ્રસ્ટના રસિક જાલાન, ઓમપ્રકાશ ઝુનઝુનવાલા સહિત અનેક સભ્યો ઉપસ્થિત રહ્યા હતા.
