સુરત ખાતે અગત્યના ટેક્સટાઇલ સંસ્થાઓ અને ઉદ્યોગોની મુલાકાત લેતા ટેક્સટાઇલ કમિશનર શ્રીમતી વૃંદા મનોહર દેસાઈ

સુરત ખાતે અગત્યના ટેક્સટાઇલ સંસ્થાઓ અને ઉદ્યોગોની મુલાકાત લેતા ટેક્સટાઇલ કમિશનર શ્રીમતી વૃંદા મનોહર દેસાઈ
ભારત સરકારના ટેક્સટાઇલ કમિશનર શ્રીમતી વૃંદા મનોહર દેસાઈ, IRS એ ગત ૨૮મી મેના રોજ સુરત ખાતે આવેલ વિવિધ અગત્યના ટેક્સટાઇલ સંસ્થાઓ અને ઔદ્યોગિક એકમોની મુલાકાત લીધી હતી.
મુલાકાત દરમિયાન તેમણે ફેરડીલ ઇન્ટિગ્રેટેડ ટેક્સટાઇલ પાર્ક, ઇન્ટિગ્રેટેડ ટેક્સટાઇલ એન્ડ એપેરલ ડેવલપમેન્ટ સેન્ટર (ITADC), કતારગામ, સાઉથ ગુજરાત ટેક્સટાઇલ પ્રોસેસર્સ એસોસિએશન (SGTPA) ઓડિટોરિયમ, પાંડેસરા તથા પાંડેસરા GIDC ખાતે આવેલી ટેક્સટાઇલ પ્રોસેસિંગ યુનિટ્સ અને કોમન ઇફ્લ્યુએન્ટ ટ્રીટમેન્ટ પ્લાન્ટ (CETP)નું નિરીક્ષણ કર્યું.
આ મુલાકાતનો મુખ્ય હેતુ ટેક્સટાઇલ વેલ્યુ ચેઇનને મજબૂત બનાવવો, સ્કિલ ડેવલપમેન્ટ, ઉદ્યોગસાહસિકતા પ્રોત્સાહન, સસ્ટેનેબલ મેન્યુફેક્ચરિંગ અને ભારતીય ટેક્સટાઇલ ઉદ્યોગની વૈશ્વિક સ્પર્ધાત્મકતામાં વધારો કરવાનો હતો.
ફેરડીલ ઇન્ટિગ્રેટેડ ટેક્સટાઇલ પાર્ક ખાતે ટેક્સટાઇલ કમિશનરે ટેક્નિકલ ટેક્સટાઇલ્સ, અદ્યતન વીવિંગ ટેક્નોલોજી, પ્રી-વીવિંગ સુવિધાઓ, વર્કર્સ હોસ્ટેલ, કોમન ફેસિલિટી સેન્ટર (CFC) અને કોમન ઇફ્લ્યુએન્ટ ટ્રીટમેન્ટ સુવિધાઓનું અવલોકન કર્યું. તેમણે ટેક્સટાઇલ વેસ્ટ મેનેજમેન્ટ, રિસાયક્લિંગ અને સર્ક્યુલર ઇકોનોમી આધારિત ઉદ્યોગ વિકાસના મહત્વ પર ભાર મૂક્યો.
ITADC, સુરતની મુલાકાત દરમિયાન તેમણે ડિસેન્ટ્રલાઇઝ્ડ પાવરલૂમ અને કમ્પ્યુટરાઇઝ્ડ એમ્બ્રોઇડરી સેક્ટરને આપવામાં આવતી તાલીમ, ટેસ્ટિંગ, ઇ-કોમર્સ ઓનબોર્ડિંગ અને ઉદ્યોગસાહસિકતા વિકાસ સેવાઓની પ્રશંસા કરી. તેમણે તાલીમાર્થીઓ અને યુવા ઉદ્યોગસાહસિકોને સોશિયલ મીડિયા અને ડિજિટલ પ્લેટફોર્મ દ્વારા પોતાના સફળતા કિસ્સાઓને પ્રોત્સાહિત કરવાની સલાહ આપી.
ત્યારબાદ SGTPA ઓડિટોરિયમ, પાંડેસરા ખાતે આયોજિત પ્રમાણપત્ર વિતરણ સમારોહમાં તેમણે હાજરી આપી, જેમાં ITADC, સુરત સાથેના MoU અંતર્ગત 36T Solutions દ્વારા આયોજિત સ્કિલ ડેવલપમેન્ટ કોર્સ પૂર્ણ કરનાર ૩૫ તાલીમાર્થીઓને પ્રમાણપત્રો એનાયત કરવામાં આવ્યા.
તેમણે પોતાના સંબોધનમાં “China Plus One” વ્યૂહરચનાનો ઉલ્લેખ કરતાં જણાવ્યું કે વૈશ્વિક બજારમાં ભારત માટે વિશાળ તકો ઊભી થઈ રહી છે અને ભારતીય ટેક્સટાઇલ ઉદ્યોગ ગુણવત્તા, નવીનતા, સસ્ટેનેબિલિટી અને કોસ્ટ કોમ્પિટિટિવનેસના આધાર પર વૈશ્વિક સ્તરે મજબૂત સ્થાન બનાવી શકે છે. તેમણે તાજેતરના Free Trade Agreements (FTAs) ના કારણે યુરોપિયન યુનિયન, યુનાઇટેડ કિંગડમ અને ન્યુઝીલેન્ડ જેવા બજારોમાં વધતી નિકાસ તકોનો લાભ લેવા માટે ઉદ્યોગસાહસિકોને પ્રોત્સાહિત કર્યા. તેમણે સરકારની યોજનાઓને માત્ર સબસિડી સુધી મર્યાદિત ન રાખતા, ઉદ્યોગ વિકાસ, આધુનિકીકરણ અને ક્ષમતા વૃદ્ધિના સાધન તરીકે ઉપયોગ કરવાની જરૂરિયાત પર ભાર મૂક્યો. તેમણે Bharat Tex અને Techtextil India જેવા વૈશ્વિક કાર્યક્રમો તેમજ ટેક્સટાઇલ, MSME અને ગુજરાત સરકારની વિવિધ યોજનાઓ વિશે જાગૃતિ વધારવાની જરૂરિયાત પણ વ્યક્ત કરી.પાંડેસરા GIDC ખાતે આવેલી ટેક્સટાઇલ પ્રોસેસિંગ યુનિટ્સ તથા CETPની મુલાકાત દરમિયાન તેમણે અદ્યતન ઇફ્લ્યુએન્ટ ટ્રીટમેન્ટ અને વોટર રિસાયક્લિંગ સિસ્ટમનું અવલોકન કર્યું અને પર્યાવરણ સંરક્ષણ, પાણી બચત અને સર્ક્યુલર ઇકોનોમી માટે ઉદ્યોગો દ્વારા કરવામાં આવતા સામૂહિક પ્રયત્નોની પ્રશંસા કરી.
આ મુલાકાત સુરતના ટેક્સટાઇલ ઉદ્યોગની સસ્ટેનેબલ ઇન્ડસ્ટ્રીયલ ગ્રોથ, સ્કિલ ડેવલપમેન્ટ, પર્યાવરણ અનુરૂપ ઉત્પાદન, ઉદ્યોગસાહસિકતા પ્રોત્સાહન અને વૈશ્વિક સ્પર્ધાત્મકતાપ્રતિની પ્રતિબદ્ધતાનું પ્રતિબિંબ છે, જે આત્મનિર્ભર ભારત અને *વિકસિત ભારત*ના વિઝનને મજબૂત બનાવે છે.