નવી મુંબઈ ઇન્ટરનેશનલ એરપોર્ટના ઉદ્ઘાટન પૂર્વે ૧,૫૧૫ ડ્રોન્સે આકાશ ગજવ્યું
૨૪ ડિસેમ્બર ૨૦૨૫: નવી મુંબઈ ઇન્ટરનેશનલ એરપોર્ટ (NMIA) પર કામગીરીની શરૂઆતની પૂર્વસંધ્યાએ, એરપોર્ટના કાર્યકારી લોન્ચિંગના માનમાં ૧,૫૧૫ ડ્રોનનો એક ભવ્ય ‘ડ્રોન શો’ યોજવામાં આવ્યો હતો. આ તમામ ડ્રોન્સે અદભૂત તાલમેલ સાથે આકાશમાં વિવિધ આકૃતિઓ રચી હતી, જેમાં ૩ડી કમળ (3D Lotus), કમળની ડિઝાઈનવાળું ઈન્ટિરિયર, એરપોર્ટનો લોગો, ગ્રીન એરપોર્ટ, મુંબઈ ઉપરથી ઉડતું વિમાન અને ‘રાઈઝ ઓફ ઈન્ડિયા’ (ભારતનો ઉદય) જેવી આકર્ષક રચનાઓ મુખ્ય હતી.
આ સમગ્ર પ્રદર્શન એરપોર્ટની થીમ અને તેની ભવ્યતા પર કેન્દ્રિત હતું. આ સાંજ નવીનતા અને કળાનો અદભૂત સંગમ બની રહી હતી, જેણે રાત્રિના આકાશને યાદગાર અને દૃષ્ટિની રીતે આકર્ષક કેનવાસમાં ફેરવી દીધું હતું.
