અંતિમ ઓવરમાં ઇંગ્લેન્ડે વેસ્ટ ઈન્ડિઝને હરાવ્યું
જોસ બટલરની આગેવાની હેઠળની ઈંગ્લેન્ડની ટીમે વેસ્ટ ઈન્ડિઝ સામેની પાંચ મેચની T20 શ્રેણીમાં અજેય સરસાઈ મેળવી લીધી છે. ઇંગ્લેન્ડે ત્રીજી T20 ત્રણ વિકેટે જીતી લીધી હતી. ડેરેન સેમી નેશનલ ક્રિકેટ સ્ટેડિયમમાં યજમાન વેસ્ટ ઈન્ડિઝે 146 રનનો લક્ષ્યાંક આપ્યો હતો, જેનો પીછો કરવા માટે ઇંગ્લેન્ડને સંઘર્ષ કરવો પડ્યો હતો.સાત વિકેટ ગુમાવ્યા બાદ ઇંગ્લેન્ડે માત્ર ચાર બોલ બાકી રહેતા મેચ જીતી લીધી હતી. ઈંગ્લેન્ડે પ્રથમ મેચ 8 વિકેટે જ્યારે બીજી મેચ 7 વિકેટે જીતી હતી.
લક્ષ્યનો પીછો કરતી વખતે ઈંગ્લેન્ડની શરૂઆત ખરાબ રહી હતી. ઓપનર ફિલ સોલ્ટ (4) બેટિંગ કરી શક્યો ન હતો. કેપ્ટન બટલર (4) અને જેકબ બેથેલ (4) સસ્તામાં આઉટ થયા હતા. જોકે, વિલ જેક્સ (33 બોલમાં 32, ત્રણ ચોગ્ગા) એક છેડો પકડી રાખ્યો હતો. તેણે કરણ સાથે ચોથી વિકેટ માટે 38 રનની ભાગીદારી કરી હતી. કરણે વધતા દબાણ વચ્ચે ઝડપથી રન બનાવ્યા. તેણે 26 બોલમાં 41 રનની ઇનિંગ રમી જેમાં ત્રણ ફોર અને એક સિક્સ સામેલ હતી.
