ભક્તિ સંગીત સ્પર્ધાનું ભવ્ય આયોજન
એકલ શ્રીહરિ મહિલા સમિતિ દ્વારા આયોજન
એકલ શ્રીહરિ મહિલા સમિતિ, સુરત દ્વારા ભક્તિ સંગીત સ્પર્ધાનું ભવ્ય આયોજન સીટી લાઈટ સ્થિત મહારાજા અગ્રસેન પેલેસના વૃંદાવન હોલમાં કરવામાં આવ્યું. ભજનો તેમજ સાંસ્કૃતિક સભ્યતા અને રાષ્ટ્રભક્તિ પર આયોજિત આ કાર્યક્રમમાં ૧૭ ટીમોએ ભાગ લીધો હતો. પ્રતિયોગિતાનો ઉદ્દેશ્ય સંગીતના માધ્યમથી સમાજમાં સંસ્કાર, ભક્તિ અને રાષ્ટ્રપ્રેમનો સંચાર કરવાનો છે. આયોજનમાં તમામ પ્રસ્તુતિઓમાં ભગવાનની ભક્તિ, ભારત માતા પ્રત્યે સમર્પણ અને ભારતીય સંસ્કૃતિનો સુંદર સમન્વય જોવા મળ્યો.કાર્યક્રમમાં એકલ અભિયાનના પ્રણેતા શ્યામ ગુપ્ત અને મુખ્ય અતિથિ અનિલ અગ્રવાલ ઉપસ્થિત રહ્યા. પોતાના પ્રેરણાદાયી વક્તવ્યમાં શ્યામ ગુપ્તજીએ કહ્યું કે ભગવાનની ભક્તિની સાથે ભારત માતાની ભક્તિ પણ આજે સમયની જરૂરિયાત છે. સનાતન સંસ્કૃતિ, રાષ્ટ્ર અને આવનારી પેઢીઓની સુરક્ષા માટે પ્રત્યેક નાગરિકે રાષ્ટ્રહિતમાં કાર્ય કરતા શત-પ્રતિશત (૧૦૦%) મતદાનનો સંકલ્પ લેવો જોઈએ. તેમણે સુરતથી મળેલા આત્મીય નિમંત્રણ પર પ્રસન્નતા વ્યક્ત કરતા કહ્યું કે સુરત આખા દેશ માટે સંસ્કાર, સંગઠન અને રાષ્ટ્રસેવાનું આદર્શ બને.આયોજનમાં સંસ્થાપક સંરક્ષક મંજુ મિત્તલે એકલ શ્રી હરિની કથાકાર યોજના, શ્રીહરિ મંદિર રથ યોજના અને સેવા પાત્ર પર વિશેષ પ્રકાશ પાડ્યો. આ પ્રસંગે મહિલા સમિતિના અધ્યક્ષ સુષમા દારૂકા, સચિવ અનુપા, મુખ્ય સંયોજિકા રાધા અગ્રવાલ અને કાંતા સોની, સુમન જાલાન, શાલિની જૈન, અંજુ લીલ્હા, વિભા મેગોતિયા સહિત પાંચસોથી વધુ મહિલાઓ ઉપસ્થિત રહી હતી.
