વૃંદાવનની જેમ રવિવારે બનશે બાબા શ્યામનો ફૂલ બંગલો
સુરત : શ્રાવણ મહિનાની શુક્લ એકાદશી નિમિત્તે વીઆઈપી રોડ, વેસુ સ્થિત શ્રી શ્યામ મંદિર, સુરતધામ ખાતે રવિવારે વૃંદાવનની જેમ બાબા શ્યામનો ફૂલ બંગલો સજાવવામાં આવશે અને બાબા શ્યામનો અદ્ભુત શૃંગાર કરવામાં આવશે. આ પ્રસંગે મંદિર પરિસરને દુલ્હનની જેમ શણગારવામાં આવશે. એકાદશીના અવસર પર બાબાના મંદિરના દ્વાર આખો દિવસ ખુલ્લા રહેશે. તમામ ભક્તોનો દર્શન માટે પ્રવેશ પાર્કિંગ ગેટ તરફથી રહેશે. ખાસ દર્શન પાસથી દર્શન કરનારા ભક્તોનો મંદિર પ્રવેશ શનિ મંદિર ગેટથી રહેશે. ભક્તો સરળતાથી દર્શન કરી શકે તે માટે ટ્રસ્ટ દ્વારા વિવિધ પ્રકારની વ્યવસ્થાઓ કરવામાં આવી છે.
