‘અંડી બંડી’ સાથે ઝૂમવા તૈયાર થઈ જાઓ! ‘પ્રેમ કીટાણુ’નું પહેલું ગીત રિલીઝ
‘પ્રેમ કીટાણુ’નું પહેલું ગીત ‘અંડી બંડી’ રિલીઝ થઈ ગયું છે. ગીત માટે ફિલ્મના નિર્માતાઓએ ઝી મ્યુઝિક કંપની સાથે ભાગીદારી કરી છે.
ગીતમાં વીર પહાડિયા શાનદાર ડાન્સ કરતા જોવા મળે છે. ‘અંડી બંડી’ એક મસ્તીભર્યું અને જોશીલું ગીત છે, જે સાંભળતા જ ડાન્સ કરવાનું મન થાય છે. તેની સરળ અને દિલને સ્પર્શી જાય તેવી ધૂન કોલેજ લાઇફ, મિત્રો, પ્રેમ અને યુવાનીની યાદ અપાવે છે.
‘અંડી બંડી’ ફિલ્મના સાત ગીતોના આલ્બમની પહેલી ઝલક છે. આ આલ્બમમાં સચેત ટંડન, પરંપરા ટંડન, બી પ્રાક, અરમાન મલિક, પાપોન, જુબિન નૌટિયાલ સહિત ઘણા જાણીતા ગાયકોનો અવાજ સાંભળવા મળશે.
અપૂર્વ સિંહ કાર્કીના નિર્દેશનમાં બનેલી ‘પ્રેમ કીટાણુ’માં વીર પહાડિયા, આફિયા સૈયદ, અપારશક્તિ ખુરાના, રાકેશ બેદી અને નિખિલ વિજય મુખ્ય ભૂમિકામાં છે. ફિલ્મ મિત્રતા, પહેલો પ્રેમ અને દિલ તૂટવાની કહાની છે.
ગૌરવ વર્માની અવનિકા ફિલ્મ્સની આ પહેલી ફિલ્મ છે. ‘પ્રેમ કીટાણુ’ 2 ઓક્ટોબર 2026ના રોજ દુનિયાભરના સિનેમાઘરોમાં રિલીઝ થશે.
ગીતની લિંક: https://youtu.be/CocVbb1GEpk
