અગ્રવાલ વિકાસ ટ્રસ્ટ મહિલા શાખાની નવી કારોબારીની થઈ રચના
અગ્રવાલ વિકાસ ટ્રસ્ટ મહિલા શાખાની વાર્ષિક સાધારણ સભાનું આયોજન શનિવારે સિટી લાઈટ સ્થિત મહારાજા અગ્રસેન પેલેસમાં કરવામાં આવ્યું હતું. મીટિંગમાં વિદાય લેતા પ્રમુખ રુચિકા રૂંગટાએ “પરંપરાથી પ્રગતિ સુધી” થીમ પર તમામ સભ્યોનું સ્વાગત કર્યું. સેક્રેટરી દ્વારા ગત વર્ષના કાર્યોનો અહેવાલ રજૂ કરવામાં આવ્યો. ત્યારબાદ નવી કારોબારીની રચના કરવામાં આવી. જેમાં સર્વસંમતિથી અનુરાધા જાલાનને પ્રમુખ, સરોજ અગ્રવાલને ઉપપ્રમુખ, આરતી મિત્તલને સેક્રેટરી, રાખી સિંઘલને ટ્રેઝરર, સીમા કોકરાને જોઈન્ટ સેક્રેટરી, નેહા અગ્રવાલને જોઈન્ટ ટ્રેઝરર બનાવવામાં આવ્યા. મીટિંગમાં અગ્રસેન મહિલા શાખાની ડિજિટલ એપ લોન્ચ કરવામાં આવી. આ આયોજનમાં ટ્રસ્ટના પ્રમુખ પ્રમોદ પોદ્દાર, ઉપપ્રમુખ પ્રમોદ કંસલ, સહખજાનચી રમેશ અગ્રવાલ (વિનાયક), રાહુલ અગ્રવાલ, યુવા શાખાના પ્રમુખ અંકિત ઝુનઝુનવાલા ઉપસ્થિત રહ્યા હતા.
