મેંગોપીપલ પરીવારએ કરી ઝૂંપડપટ્ટીમાં બાળકો સંગ યોગદિવસની ઉજવણી
“આંખો બંધ કરીને ઈશ્વરને શોધવા કરતાં, આ વંચિત બાળકોની ભોળી આંખોમાં ઈશ્વરને નિહાળવા એ જ અમારો સાચો યોગ છે.”
વિશ્વભરમાં જ્યારે ‘આંતરરાષ્ટ્રીય યોગ દિવસ’ની ઝાકઝમાળ વચ્ચે ધામધૂમથી ઉજવણી થઈ રહી છે, ત્યારે ‘મેંગોપીપલ પરીવાર’ દ્વારા માનવતાની સુવાસ ફેલાવતું એક અત્યંત સંવેદનશીલ અને હૃદયસ્પર્શી કાર્ય કરવામાં આવ્યું છે. સંસ્થાએ દેખાડાની દુનિયાથી દૂર રહીને, સમાજના છેવાડાના અને વંચિત એવા ઝૂંપડપટ્ટીના માસૂમ બાળકોના આંગણે જઈને યોગની સાચી ઉર્જા અને કરુણાનો દીપ પ્રગટાવ્યો હતો.
ખુલ્લા આકાશ નીચે, ધૂળની વચ્ચે પણ જેમનું સ્મિત સોના જેવું કિંમતી છે તેવા નિર્દોષ ભૂલકાઓ સાથે મળીને યોગ દિવસની ખૂબ જ આત્મીયતાપૂર્વક ઉજવણી કરવામાં આવી. જે બાળકો ક્યારેય ‘યોગ’ શબ્દથી પણ પરિચિત નહોતા, તેઓ વહેલી સવારે વહાલથી જોડાયા અને ભારે શિસ્તબદ્ધ રીતે યોગાસન, પ્રાણાયામ અને ધ્યાનનો દિવ્ય આનંદ માણ્યો હતો.
આ આયોજન પાછળનો હેતુ માત્ર શારીરિક કસરત કરાવવાનો નહોતો, પરંતુ આ વંચિત આત્માઓને માનસિક શાંતિ, આત્મવિશ્વાસ અને એક સુરક્ષિત-તંદુરસ્ત જીવનનો અહેસાસ કરાવવાનો હતો. જ્યારે આ નાનકડા ભૂલકાઓએ પોતાની આંખો બંધ કરી, હાથ જોડીને ‘ઓમ’કારનો પવિત્ર નાદ કર્યો, ત્યારે ગરીબી અને અભાવની એ પળો આશીર્વાદમાં ફેરવાઈ ગઈ હોય તેવો દિવ્ય માહોલ સર્જાયો હતો. બાળકોની કુતૂહલતાથી ભરેલી આંખો અને તેમના ચહેરા પર છવાયેલું નિખાલસ સ્મિત જ આ સમગ્ર સેવાયજ્ઞની સાચી સફળતા હતી.
યોગ સત્રના સમાપન બાદ, આ બાળકોના પોષણ અને ઉજ્જવળ ભવિષ્ય માટે સંસ્થા તરફથી માત્ર નાસ્તો જ નહીં, પરંતુ વહાલપૂર્વક પૌષ્ટિક આહાર અને શિક્ષણ પ્રત્યે તેમનો રસ જળવાઈ રહે તે માટે શૈક્ષણિક કીટનું વિતરણ કરવામાં આવ્યું હતું.
સંસ્થા પ્રમુખ શ્રી મનીષભાઈ જણાવે છે કે “યોગ એ માત્ર કોઈ ચોક્કસ વર્ગ કે સુખી સંપન્ન લોકો માટે નથી, તે સમગ્ર માનવજાતના કલ્યાણ માટે છે. ઝૂંપડપટ્ટીના આ વંચિત બાળકોમાં પણ અદભુત ક્ષમતા અને તેજ છુપાયેલું છે. બસ, જરૂર છે તેમને થોડો પ્રેમ, સ્વીકાર અને સાચું માર્ગદર્શન આપવાની. આજે આ બાળકોની પડખે બેસીને જે આત્મિક સંતોષ અને પરમ આનંદ મળ્યો છે, તેની કોઈ કિંમત થઈ શકે તેમ નથી.”
આવો, માનવતાના આ યજ્ઞમાં આહુતિ આપીએ…
તમારો એક નાનો અમથો સહયોગ, આ વંચિત અને માસૂમ બાળકોના ચહેરા પર કાયમી સ્મિત રેલાવી શકે છે અને તેમનું ભવિષ્ય બદલી શકે છે. જો તમે પણ આ કરુણા સભર અભિયાનનો હિસ્સો બનવા ઈચ્છતા હોવ તો સંસ્થાનો સંપર્ક કરી શકો છો.
(નોંધ: સંસ્થામાં આપવામાં આવતું દાન ઇન્કમટેક્સ એક્ટની કલમ ૮૦જી હેઠળ કરમુક્ત છે)
સંપર્ક સૂત્ર: મનીષ રાઠોડ અને રૂપલ રાઠોડ
મોબાઈલ નંબર: +૯૧ ૯૨૭૬૦૦૭૭૮૬
“ચાલો, સાથે મળીને કોઈના સ્મિતનું કારણ બનીએ…”
