બાળ વિદ્યાર્થીઓએ પોસ્ટરો બનાવી મતદાન જાગૃતિનો સંદેશ આપ્યો
ન્યુ સિટીલાઈટ સ્થિત રંગ એકેડેમીના સંચાલક અમીબેન દાનેચા (લીલાવાલા)ના માર્ગદર્શન અને પ્રોત્સાહન હેઠળ ૪૫ બાળકો- વિદ્યાર્થીઓએ મતદાન જાગૃતિ, વોટ ફોર બેટર ઇન્ડિયા, બેટી બચાવો, બેટી પઢાઓ, પ્રદૂષણ નિયંત્રણ માટે લોકજાગૃતિ ફેલાવવાના ઉદ્દેશથી પોસ્ટરો બનાવી સામાજિક સંદેશો આપ્યો હતો. ખાસ કરીને એકેડેમીના ૪ થી સોળ વર્ષની વયના બાળ વિદ્યાર્થીઓએ આગામી લોકસભા ચૂંટણીને અનુલક્ષીને વધુમાં વધુ મતદાન થાય એવો સંદેશ આપતા આકર્ષક પોસ્ટરોનું ચિત્રણ કર્યું હતું.
