શ્રીમતી ભાવનાબેન નાનુભાઈ બાંભરોલીયા સ્વામિનારાયણ ફાર્મસી કોલેજમાં નવરાત્રી મહોત્સવની ધૂમધામ થી ઉજવણી
શ્રીમતી ભાવનાબેન નાનુભાઈ બાંભરોલીયા સ્વામિનારાયણ ફાર્મસી કોલેજમાં નવરાત્રી મહોત્સવની ધૂમધામ થી ઉજવણી
વાપી: શ્રી સ્વામિનારાયણ શિક્ષણ સેવા કેન્દ્ર સલવાવ, સંચાલિત શ્રીમતી ભાવનાબેન નાનુભાઈ બાંભરોલીયા સ્વામિનારાયણ ફાર્મસી કોલેજમાં નવરાત્રી મહોત્સવની તારીખ ૨૭/૦૯/૨૦૨૫ શનીવાર રોજ કોલેજના વિદ્યાર્થીઓએ આનંદ અને ઉત્સાહભેર નવરાત્રી મહોત્સવની ધૂમધામથી ઉજવણી કરવામાં આવી હતી. જેમાં વિદ્યાર્થીઓ અને શિક્ષકો ટ્રેડીશનલ ડ્રેસમાં ઢોલના તાલે માતાજીના ગરબે ઘૂમ્યા હતા. તેમજ બેસ્ટ ટ્રેડીશનલ ડ્રેસ, બેસ્ટ સ્ટેપ અને એક્શન જેવી વિવિધ સ્પર્ધાઓનું આયોજન કરવામાં આવ્યું હતું.
નવરાત્રીના આ પવન પર્વ નિમિતે શ્રી સ્વામિનારાયણ ગુરુકુળ, સલવાવના મેનેજિંગ ટ્રસ્ટી પરમ પૂજ્ય પુરાણી સ્વામી કપિલ જીવનદાસજીએ જણાવ્યું કે નવરાત્રી એ હિન્દુઓનો પવિત્ર તહેવાર છે, જે આસો સુદ એકમથી આસો સુદ નોમ સુધીના નવ રાત અને દસ દિવસ દરમ્યાન “માં અંબા, માં બહુચરા અને માં મહાકાળી “ જેવી મહાશક્તિશાળી માતાઓ ના નવ સ્વરૂપોની વ્રત, પૂજા, આરાધના, યજ્ઞો અને રાત્રે રસ- ગરબા ગાવાનું ઘણું મહત્વ છે. આ ઉપરાંત દસમો દિવસ વિજયા દશમી અને પછી પંદરમો શરદપૂર્ણિમાના દિવસે પણ ગરબા ગાવામાં આવે છે.
આ કાર્યક્રમનું સંચાલન સંસ્થાના એકેડેમિક ડિરેકટર ડૉ. શૈલેષ વી. લુહારના માર્ગદર્શન હેઠળ તેમજ કોલેજના આચાર્યશ્રી ડો.સચિન બી. નારખેડે દ્વારા કરવામાં આવ્યું હતું. તેમજ કાર્યક્રમનું આયોજન કો-ઓર્ડીનેટર આસિસ્ટન્ટ પ્રોફેસર વિધિ પટેલ અને શ્રીમતી. જ્યોતિ યુ. પંડ્યા દ્વારા કરવામાં આવ્યું હતું.
આ સ્પર્ધાનો મુખ્ય હેતુ ભારતીય સંસ્કૃતિ વિશે સમજ અને જ્ઞાન આપવાનું અને તહેવારોનું મહત્વ શું છે? અને તે શા માટે ઉજવવામાં આવે છે તે વિશે વિદ્યાર્થીઓને માહિતી આપવાની હતી. આ સ્પર્ધાના નિર્ણાયક તરીકે આરોહી નાથ અને ડીમ્પલ ખત્રી હતા. જેમાં બેસ્ટ ડ્રેસ ગર્લ્સ સ્પર્ધામાં ચાંદની ખડતકર પ્રથમ ક્રમે,યુક્તિ સુરતી બીજા ક્રમે, યશવી વ્યાસ ત્રીજા ક્રમે તેમજ બેસ્ટ ડ્રેસ બોયસ સ્પર્ધામાં હિરેન બારિયા પ્રથમ ક્રમે, નકુલ પટેલ બીજા ક્રમે અને પિયુષ આવટે ત્રીજા ક્રમે રહ્યા હતા. બેસ્ટ સ્ટેપ અને એક્શન ગર્લ્સ માં પ્રથમ ક્રમે રિદ્ધિ ટાંક, બીજા ક્રમે ઊર્મિ રોહિત , ત્રીજા ક્રમે વૃતિ ભંડારી તેમજ બેસ્ટ સ્ટેપ અને એક્શન બોયસમાં હિરેન બારિયા પ્રથમ ક્રમે, રોહિત જય બીજા ક્રમે અને અભિમન્યુ પટેલ ત્રીજા ક્રમે રહ્યા હતા. તદુપરાંત બેસ્ટ ડ્રેસ ફેકલ્ટીમાંથી અસોસિયેટ પ્રોફેસર નેહા વડગામા પ્રથમ ક્રમે, આસિસ્ટન્ટ પ્રોફેસર પ્રિયંકા મૈસુરીયા બીજા ક્રમે અને આસિસ્ટન્ટ પ્રોફેસર હર્ષ લાડ ત્રીજા ક્રમે રહ્યા હતા. તેમજ બેસ્ટ સ્ટેપ અને એક્શન ફેકલ્ટીમાંથી અસોસિયેટ પ્રોફેસર શેતલ દેસાઈ પ્રથમ ક્રમે, આસિસ્ટન્ટ પ્રોફેસર ધ્રુવી વ્યાસ બીજા ક્રમે અને લેબ આસિસ્ટન્ટ દિવ્યા પરમાર ત્રીજા ક્રમે રહ્યા હતા. આ સ્પર્ધામાં વિજેતાઓને પુરસ્કાર આપી સન્માનિત કરવામાં આવ્યા હતા
કાર્યક્રમના અંતે કોલેજના આચાર્યશ્રી ડૉ. સચિન બી. નારખેડેએ દરેક ખેલૈયાને પ્રોત્સાહિત કરી આભાર વ્યક્ત કર્યો હતો. આ કાર્યક્રમ બદલ શ્રી સ્વામિનારાયણ સંસ્થાના અધ્યસ્થાપક પરમ પૂજ્ય. સ્વામી પૂરાણી કેશવચરણદાસજી, મેનેજિંગ ટ્રસ્ટી પરમ પૂજ્ય પુરાણી કપિલ જીવનદાસજી, પૂજ્ય રામસ્વામીજી, પૂજ્ય હરિ સ્વામીજી, પૂજ્ય માધવ સ્વામીજી, ટ્રસ્ટી શ્રી. બાબુભાઈ સોડવડીયા, ટ્રસ્ટીગણ, કેમ્પસ એકેડેમિક ડીરેક્ટર પ્રોફેસર ડો. શૈલેશ લુહાર, કેમ્પસ ડીરેક્ટર શ્રી. હિતેન ઉપાધ્યાય, આચાર્યશ્રી ડૉ. સચિન બી. નારખેડે અને તમામ સ્ટાફે વિદ્યાર્થીઓને અભિનંદન પાઠવ્યા હતા.
