કતારગામ વિસ્તારમાં સૌપ્રથમવાર શ્રી રુદ્ર શિવ મહાપુરાણ કથાનો આજથી શુભારંભ
સુરતઃ વેડરોડ મહાત્મા જ્યોતિબા ફુલે માર્ગ મરાઠી સ્કુલ પાસે આવેલ લક્ષ્મી નગર સોસાયટી ખાતે તારીખ 3 ઓક્ટોબર થી 9 ઓક્ટોબર સુધી શ્રી રુદ્ર શિવ મહાપુરાણ કથા નું આયોજન કરવામાં આવ્યું છે. વોર્ડ નંબર 8 નાં કોર્પોરેટર સુવર્ણાબેન દીપકભાઈ જાધવ અને વોર્ડ નંબર 8ના ઉપાધ્યક્ષ યશવંતભાઇ પાડુંરંગભાઇ જાધવ એ જણાવ્યું હતું કે મધ્ય પ્રદેશના રતલામ જીલ્લા ના કંચનખેડી ગામનાં યુવા કથાકાર આચાર્ય શ્રી અનિલ શર્મા કથાનું રસપાન કરાવશે. આ ભવ્ય દીવ્ય શ્રી રુદ્ર શિવ મહાપુરાણ કથા કતારગામ વિસ્તારમાં સૌ પ્રથમવાર થઇ રહીં છે. કથાનો સમય રાત્રે 8 વાગેથી 11વાગે સુધી રહેશે. તારીખ 9 ઓક્ટોબરે 22હજાર થી વધુ રુદ્રાક્ષ ભક્તોને વિતરણ કરવામાં આવશે. સાંજે જાહેર ભંડારાનો લાભ ભક્ત લેશે. કથાનાં એક દિવસ પહેલા 2 ઓક્ટોબરે બપોરે સ્થાનિય પરિસરમાં અને આસપાસના વિસ્તારોમાંથી ભવ્ય કળશ યાત્રા નિકળશે. તમાંમ ધર્મ પ્રેમી ભક્તોને કથા માં ઉપસ્થિત રહેવા માટે ભાવભીનુ આમંત્રણ છે.
