ગ્રામ સભાનો ફિયાસ્કો: સાધલી ગામમાં યુનિટી માર્ચ માટેની ગ્રામ સભામાં ખૂબ જ ઓછી સંખ્યામાં લોકો હાજર
ગ્રામ સભાનો ફિયાસ્કો: સાધલી ગામમાં યુનિટી માર્ચ માટેની ગ્રામ સભામાં ખૂબ જ ઓછી સંખ્યામાં લોકો હાજર
રાષ્ટ્રીય કક્ષાની 150 કિલોમીટર લાંબી પદયાત્રા જે કરમસદ થી કેવડિયા, યુનિટી માર્ચ માટે શિનોર તાલુકામાં આયોજન માટે ખાસ ગ્રામ સભા આજરોજ યોજાઇ હતી, જેમાં સાધલી મુકામે યોજાયેલ આ ખાસ ગ્રામ સભામાં આંગળીના વેઢે ગણાય તેટલી સંખ્યાના કારણે ગ્રામસભા નો ફિયાસ્કો થયેલ છે.
ગુજરાતના પનોતા પુત્ર અને અખંડ ભારતના શિલ્પી ભારત રત્ન સરદાર વલ્લભભાઈ પટેલના વિચારોનું સ્થાપન થાય, તેમના કાર્યોથી સૌ અવગત થાય, તેમના જીવનમાંથી પ્રેરણા લઈ વિકસિત ભારતના સંકલ્પ સાથે રાષ્ટ્ર સેવામાં સૌ જોડાય ,તે માટે તેઓની 150 મી જન્મ જયંતી ની ઉજવણી થઈ રહી છે . અને કરમસદ થી કેવડિયા સુધી 150 કિલોમીટર લાંબી પદયાત્રાના યુનિટી માર્ચ માટે જિલ્લા કલેક્ટર તથા જિલ્લા વિકાસ અધિકારીના આદેશ મુજબ સાધલી મુકામે ખાસ ગ્રામ સભાનું આજે તારીખ 27 નવેમ્બર 2025 અને બપોરના 12 કલાકે પંચાયત હોલમાં આયોજન કરાયું હતું. વિસ્તરણ અધિકારી હિતેશ વસાવા નોડલ અધિકારી તરીકે હાજર રહ્યા હતા. આ ગ્રામ સભામાં મહિલા સરપંચ મનિષા પટેલ, ઉપસરપંચ સંકેત પટેલ ગ્રામ પંચાયતના માત્ર બે સદસ્યો આરોગ્યના એક, આંગણવાડી વર્કરો, આશા વર્કરો તથા શિક્ષિકાઓ સાથે બે તલાટી મળીને માત્ર 20 વ્યક્તિ હાજર હતી. ગ્રામજનોની ગેરહાજરીમાં ખાસ ગ્રામસભા નો ફિયાસ્કો થયો છે. સાધલી ગામની વસ્તી 7000 ની છે. ગ્રામ પંચાયતના છ મહિલા સહિત 9 સદસ્યો ગેરહાજર હતા. એજન્ડા મુજબ યુનિટી માર્ચ નો પ્રચાર અને પ્રસાર કરવો, સ્વાગત માં જોડાવું, પદયાત્રા પહેલા અને પછી સંપૂર્ણ સફાઈ ઝુંબેશ અને પદયાત્રાના કાર્યક્રમમાં સહભાગી થવા જણાવાયું હતું. સફાઈ જંબેશ તથા રંગોળી માટે કામની વહેંચણી થયેલ છે પંચાયત દ્વારા મતોની લાલસામાં હજુ કોઈ દબાણો દૂર થયા નથી. અધિકારીઓ આદેશ આપી જતા રહ્યા છે. બસ સ્ટેન્ડ પાસે વર્ષો પછી સરદાર પટેલની પ્રતિમાને નવા રૂપરંગ અપાઇ રહ્યા છે.જે સરાહનીય છે.
