માંડવી ખાતે સિંચાઈ વિભાગ હસ્તકના વિવિધ વિકાસ કાર્યોનું ખાતમુહૂર્ત કરતા ધારાસભ્ય કુંવરજીભાઈ હળપતિ
માંડવી ખાતે સિંચાઈ વિભાગ હસ્તકના વિવિધ વિકાસ કાર્યોનું ખાતમુહૂર્ત કરતા ધારાસભ્ય કુંવરજીભાઈ હળપતિ
માંડવી તાલુકાના રૂ. ૨૭૮.૩૧ લાખના વિવિધ ઉદ્દવવહન સિંચાઈ યોજનાના કામોનું ખાતમુહૂર્ત કરાયું
સુરત જિલ્લા પંચાયત સિંચાઈ વિભાગ હસ્તકના માંડવી પેટા વિભાગના ટ્રાયબલ સબ પ્લાન માંડવી હેઠળ મંજુર થયેલ ડી-સેગ તથા કાકરાપાર સી.એસ.આર. યોજનાના માંડવી તાલુકાના રૂ. ૨૭૮.૩૧ લાખના વિવિધ કામોનું પૂર્વ મંત્રી અને ધારાસભ્ય કુંવરજીભાઈ હળપતિના હસ્તે ખાતમુ્હૂર્ત કરવામાં આવ્યું હતું.
વલારગઢ ગામે ઉદ્દવવહન સિંચાઈ યોજનાના રૂ. ૨૯.૭૪, ઉટેવા ગામે ઉદ્દવવહન સિંચાઈ યોજનાના રૂ. ૩૭.૨૦, કાલીબેલ ગામે ઉદ્દવવહન સિંચાઈ યોજનાના રૂ. ૪૬.૬૫, લીમધા ગામે ઉદ્દવવહન સિંચાઈ યોજનાના રૂ. ૪૫.૨૧, સોલી ગામે ઉદ્દવવહન સિંચાઈ યોજનાના રૂ. ૪૦.૬૧, મગતરા ગામે ઉદ્દવવહન સિંચાઈ યોજનાના રૂ. ૩૫.૫૯, રતનીયા-૧ અને રતનીયા-૨ ગામે ઉદ્દવવહન સિંચાઈ યોજનાના હેઠળ ૪૩.૩૧ મળીને કૂલ રૂપિયા ૨૭૮.૩૧ લાખના ખર્ચે વિવિધ વિકાસ કામોનું ખાતમુહૂર્ત કરવામાં આવ્યું હતું.
આ પ્રસંગે જિલ્લા પં. પ્રમુખ, તાલુકા પંચાયત સદસ્ય, સિંચાઈ વિભાગના અધિકારીઓ, તાલુકા પ્રમુખશ્રી, સરપંચશ્રી, ગ્રામ પંચાયતના સદસ્યો સહિત ગ્રામજનો ઉપસ્થિત રહ્યા હતા.
