મે, 2026માં વાર્ષિક ધોરણે 118 ટકા વૃદ્ધિ સાથે નિસાન મોટર ઇન્ડિયાએ સતત ત્રીજા મહિને સ્થાનિક વેચાણમાં વધારો નોંધાવ્યો

મે, 2026માં વાર્ષિક ધોરણે 118 ટકા વૃદ્ધિ સાથે નિસાન મોટર ઇન્ડિયાએ સતત ત્રીજા મહિને સ્થાનિક વેચાણમાં વધારો નોંધાવ્યો
ગુરુગ્રામ, 1 જૂન, 2026: નિસાન મોટર ઇન્ડિયા પ્રાઈવેટ લીમીટેડ (NMIPL) એ આજે મે, 2026ના વેચાણ પ્રદર્શનની માહિતી આપી હતી. મે મહિનામાં કંપનીના સ્થાનિક વેચાણમાં વાર્ષિક ધોરણે 118 ટકાનો મજબૂત વધારો નોંધાયો છે. ગયા મહિને કંપનીએ સ્થાનિક બજારમાં કુલ 2,948 યુનિટ્સનું વેચાણ કર્યું હતું. આ દરમિયાન 5,023 કારોની નિકાસ કરવામાં આવી હતી, જેના પરિણામે કંપનીનું કુલ વેચાણ 7,971 યુનિટ્સ રહ્યું હતું. નિસાન મોટર ઇન્ડિયાએ સતત ત્રીજા મહિને સ્થાનિક વેચાણમાં વાર્ષિક વૃદ્ધિ નોંધાવી છે, જેના કારણે ભારતીય બજારમાં કંપનીની સ્થિતિ વધુ મજબૂત બની છે.
આ પ્રદર્શન અંગે નિસાન મોટર ઇન્ડિયા પ્રાઇવેટ લિમિટેડના મેનેજિંગ ડિરેક્ટર શ્રી સૌરભ વત્સે જણાવ્યું હતું કે, “સતત ત્રીજા મહિને સ્થાનિક વેચાણમાં વધારો નોંધાવવો એ નિસાનના ઉત્પાદનો પ્રત્યે ગ્રાહકોના વિશ્વાસનું પ્રોત્સાહક પ્રતિબિંબ છે. નિસાન મેગ્નાઈટની મજબૂત કામગીરી સાથે, ઓલ-ન્યૂ નિસાન ગ્રેવાઈટને મળી રહેલા ઉત્તમ પ્રતિસાદ અને CNG વિકલ્પને અપનાવવાની વધતી ગતિને ધ્યાનમાં રાખીને અમે ભારતમાં અમારી વ્યૂહરચના અંગે ઉત્સાહિત છીએ. અમે નિસાન ટેકટોનના વૈશ્વિક પ્રીમિયર તરફ આગળ વધી રહ્યા છીએ અને આ દરમિયાન દેશભરમાં અમારા નેટવર્કનો વિસ્તાર, પહોંચ મજબૂત બનાવવી અને ગ્રાહકોને શ્રેષ્ઠ અનુભવ આપવો એ અમારો મુખ્ય ફોકસ છે.”
ઓલ-ન્યૂ નિસાન ગ્રેવાઇટને બજારમાંથી મળી રહેલા સકારાત્મક પ્રતિસાદને કારણે ભારતમાં નિસાનની પ્રોડક્ટ લાઇન-અપ પ્રત્યે ગ્રાહકોની રસપ્રદતા સતત વધી રહી છે. ભારતમાં નિસાનની સફરમાં નવી નિસાન મેગ્નાઇટ સતત એક મજબૂત આધારસ્તંભ બની રહી છે. તેણે સ્પર્ધાત્મક કોમ્પેક્ટ SUV સેગમેન્ટમાં બ્રાન્ડની હાજરીને વધુ મજબૂત બનાવી છે અને મુખ્ય બજારોમાં ગ્રાહકોને સતત જોડાયેલા રાખવામાં મહત્વપૂર્ણ યોગદાન આપ્યું છે.
નિસાન મોટર ઇન્ડિયા હવે નિસાન ટેક્ટોનના વૈશ્વિક પ્રીમિયર તરફ આગળ વધી રહી છે. આ ભારતના વિકાસમાર્ગ પર બ્રાન્ડ માટે એક મહત્વપૂર્ણ સીમાચિહ્ન સાબિત થશે. આ પ્રીમિયર કંપનીના પ્રોડક્ટ પોર્ટફોલિયોના વિસ્તરણ અને વિશ્વના સૌથી ગતિશીલ ઓટોમોટિવ બજારોમાંની એક એવા ભારત ખાતે તેની હાજરીને વધુ મજબૂત બનાવવાના નિસાનના સંકલ્પને દર્શાવે છે.
નિસાન સતત સ્થાનિક વેચાણની ગતિ જાળવી રાખવા, પોતાના નેટવર્કનો વિસ્તાર કરવા અને મુખ્ય બજારોમાં ગ્રાહક અનુભવને વધુ સારો બનાવવા પર ધ્યાન કેન્દ્રિત કરી રહી છે.
વધુ માહિતી માટે મુલાકાત લો: www.nissan.in