ગઝલ નાઇટ સાથે ગણપતિ મહોત્સવનું સમાપન થયું
સોસાયટીમાં કરાયું ગણપતિ વિસર્જન
સુરત : વેસુ સ્થિત નંદિની-1 સોસાયટીમાં શુક્રવારે ગણપતિનું વિસર્જન સોસાયટીના પ્રાંગણમાં કરવામાં આવ્યું. ગણેશજીની આરતી પછી બેન્ડ-વાજા સાથે ભવ્ય સરઘસ કાઢવામાં આવ્યું. ત્યારબાદ સોસાયટીમાં કૃત્રિમ તળાવમાં ઇકો ફ્રેન્ડલી વિસર્જન કરવામાં આવ્યું. રાત્રે ગઝલ નાઇટનું ભવ્ય આયોજન કરવામાં આવ્યું હતું. આ સાથે જ છેલ્લા દસ દિવસથી ચાલી રહેલા ગણપતિ મહોત્સવનું સમાપન પણ થયું. દસ દિવસ ચાલેલા ગણપતિ મહોત્સવમાં ફેશન શો, ભજન જૈમિંગ, ડાન્સ, હાઉઝી, ફેન્સી ડ્રેસ સહિત અનેક કાર્યક્રમોનું આયોજન કરવામાં આવ્યું હતું. તમામ સ્પર્ધાઓમાં વિજેતાઓને પુરસ્કાર આપીને સન્માનિત કરવામાં આવ્યા. આ પ્રસંગે સોસાયટીના પ્રમુખ કૈલાશ કેજરીવાલ, મનીષ જગનાની, મનોજ ચૌધરી, અંકિત અગ્રવાલ, સુનીલ રામુકા સહિત કલ્ચર કમિટીના તમામ સભ્યો તેમજ સોસાયટીના લોકો હાજર રહ્યા હતા.
