આરોગ્ય

દક્ષિણ ગુજરાતમાં પ્રથમ વખત એક્સેલ હોસ્પિટલ ખાતે મોટી થયેલી પ્રોસ્ટેટ ગ્રંથિ માટે UroLift પ્રક્રિયા સફળતાપૂર્વક કરવામાં આવી

✍🏻 મનહર મહાજન
સુરત: દક્ષિણ ગુજરાતમાં યુરોલોજીના ક્ષેત્રમાં એક મહત્વપૂર્ણ સિદ્ધિ હાંસલ કરતાં એક્સેલ હોસ્પિટલ ખાતે મોટી થયેલી પ્રોસ્ટેટ ગ્રંથિ (Benign Prostatic Hyperplasia – BPH) ની સારવાર માટે પ્રથમ UroLift પ્રક્રિયા સફળતાપૂર્વક કરવામાં આવી છે.
આ પ્રક્રિયા હોસ્પિટલની નિષ્ણાત યુરોલોજી ટીમ ડૉ. કપિલ ઠક્કર (ચીફ યુરોલોજિસ્ટ) અને ડૉ. અક્ષય નથાણી (કન્સલ્ટન્ટ યુરોલોજિસ્ટ) દ્વારા કરવામાં આવી હતી.
UroLift એ આધુનિક અને ઓછામાં ઓછી ચીરફાડવાળી સારવાર પદ્ધતિ છે, જેમાં પ્રોસ્ટેટના ટિશ્યુને દૂર કર્યા વિના મોટી થયેલી પ્રોસ્ટેટને કારણે થતી પેશાબની રુકાવટ દૂર કરવામાં આવે છે.
એક્સેલ હોસ્પિટલમાં આ સારવાર મેળવનાર દર્દી એક વૃદ્ધ સજ્જન હતા, જેમને હૃદય સંબંધિત ગંભીર જોખમ હતું અને તેઓ બે પ્રકારની એન્ટીપ્લેટલેટ (લોહી પાતળું રાખવાની) દવાઓ લેતા હતા. તેમની હૃદયની સ્થિતિને ધ્યાનમાં રાખીને આ દવાઓ બંધ કરવી યોગ્ય ન હતી. જરૂરી તબીબી તપાસ અને સાવચેતીપૂર્વકના આયોજન બાદ, દવાઓ ચાલુ રાખીને UroLift પ્રક્રિયા સફળતાપૂર્વક કરવામાં આવી હતી.
આ સિદ્ધિ અંગે જાહેરાત કરતાં એક્સેલ હોસ્પિટલના ચીફ યુરોલોજિસ્ટ ડૉ. કપિલ ઠક્કરે જણાવ્યું હતું કે:
“દક્ષિણ ગુજરાતમાં આ આધુનિક ટેક્નોલોજી ઉપલબ્ધ કરાવી શક્યા છીએ તેનો અમને ગર્વ અને આનંદ છે. મોટી થયેલી પ્રોસ્ટેટની સારવારમાં UroLift એક મહત્વપૂર્ણ વિકલ્પ છે. તેના મુખ્ય ફાયદાઓ આ પ્રમાણે છે:
1. ઉંમર, હૃદયરોગ અથવા અન્ય ગંભીર બીમારીઓને કારણે પરંપરાગત સર્જરીનું જોખમ વધુ હોય તેવા પસંદગીના દર્દીઓ માટે ઉપયોગી.
2. એન્ટીપ્લેટલેટ દવાઓ લેતા હોય અને તબીબી કારણોસર આ દવાઓ બંધ કરવી શક્ય ન હોય તેવા દર્દીઓ માટે એક વિકલ્પ.
3. પ્રમાણમાં ઓછી ઉંમરના પુરુષોમાં સ્ખલન (Ejaculation) કરવાની ક્ષમતા જાળવી રાખવાની શક્યતા.
4. પ્રોસ્ટેટના ટિશ્યુને દૂર કર્યા વિના, ઓછી ચીરફાડવાળી પ્રક્રિયા દ્વારા પેશાબની રુકાવટમાં રાહત.
અમારો હંમેશા પ્રયાસ રહ્યો છે કે યુરોલોજીના ક્ષેત્રમાં નવીનતમ ટેક્નોલોજી અને આધુનિક સારવાર દક્ષિણ ગુજરાતના દર્દીઓને પોતાના જ શહેરમાં ઉપલબ્ધ થાય.”
ડૉ. ઠક્કરે વધુમાં જણાવ્યું હતું કે એક્સેલ હોસ્પિટલ હવે સુરતના વેસુ વિસ્તારમાં 29 નવેમ્બર 2026થી વધુ વિશાળ અને અત્યાધુનિક હોસ્પિટલ પરિસરમાં પોતાની સેવાઓનો વિસ્તાર કરી રહી છે.
નવું એક્સેલ એડવાન્સ્ડ યુરોકેર હોસ્પિટલ, એક્સેલ યુરોલોજી પ્રાઇવેટ લિમિટેડનું એક યુનિટ છે. અહીં કિડની સ્ટોનની આધુનિક સારવાર, લેસર પ્રોસ્ટેટ સર્જરી, યુરોલોજિકલ કેન્સરની સર્જરી, 3D/4K લેપ્રોસ્કોપિક સર્જરી તેમજ યુરોલોજી અને એન્ડ્રોલોજીની વ્યાપક સુવિધાઓ ઉપલબ્ધ થશે.
આ વિસ્તરણ દ્વારા એક્સેલ હોસ્પિટલનો ઉદ્દેશ્ય દક્ષિણ ગુજરાતમાં આધુનિક અને નિષ્ણાત યુરોલોજી સારવાર વધુ સુલભ બનાવવાનો છે.

Related Articles

Leave a Reply

Your email address will not be published. Required fields are marked *

Back to top button