બારડોલી તાલુકાના રામપુરા અને મોતા ગામે વિકસતી ભારત સંકલ્પયાત્રાનું ભવ્ય સ્વાગત કરાયું
સુરતઃ ગુરૂવારઃ સુરત જીલ્લાના બારડોલી તાલુકામાં વિકસિત ભારત સંકલ્પ યાત્રાનો રથ આજરોજ મોતા અને રામપુરા ગામે આવી પહોચ્યો હતો જયાં ગ્રામજનો દ્વારા ભવ્ય સ્વાગત કરવામાં આવ્યું હતું.
મોતા પ્રાથમિક શાળાના આચાર્ય દ્વારા વિકસિત ભારત સંકલ્પ યાત્રા કાર્યક્રમનું પ્રાસંગિક ઉદ્બોધન કર્યું હતું. વિવિધ શાખાઓ દ્વારા વિવિધ કલ્યાણકારી યોજનાઓ વિષે માહિતી આપી હતી. પોષણ અભિયાન, કુપોષણ મુક્ત ભારત અને એનિમિયા,પી.એમ કિસાન વય યોજના, કિસાન ક્રેડિટ કાર્ડ યોજના, વિશ્વકર્મા યોજના, આયુષ્યમાન કાર્ડ,જલ જીવન મિશન યોજના, અટલ પેન્શન યોજના, પ્રાકૃતિક ખેતી, પશુપાલન માટે વધુ પ્રચાર પ્રસારણ તેમજ ICDS બારડોલીના ઇન્ચાર્જ CDPO, કર્મચારી અને કાર્યકર દ્વારા મિલેટ અને THR નો ઉપયોગ કરી વિવિધ વાનગીઓની પ્રદર્શન યોજાયું હતું. ICDS તથા અન્ય વિભાગના લાભાર્થીઓ દ્વારા મેળવેલ લાભ મળ્યા બદલ સાફલ્ય ગાથા વર્ણવી હતી.
આ પ્રસંગે સરપંચ, ઉપસરપંચ અને ગ્રામ પંચાયતના સભ્યશ્રી, THO શ્રી, નાબાર્ડના અધિકારીશ્રી, BOBના અધિકારીશ્રી, તેમજ તાલુકા પંચાયતનો સ્ટાફ, આઈસીડીએસના ઈન્ચાર્જ સીડીપીઓશ્રી તથા મુખ્ય સેવિકા, કાયૅકર, તેડાગર તથા આરોગ્ય સ્ટાફ તેમજ અન્ય વિભાગના અધિકારી, કર્મચારીઓ હાજર રહ્યા હતા.
