શ્રી શ્યામ અખાડા મહોત્સવમાં આજે 31 ભજન ગાયકો રજુ કરશે
શ્રી શ્યામ સરકાર પરિવાર ટ્રસ્ટ સુરત, ખાતુ દ્વારા આજે વિશાળ શ્રી શ્યામ અખાડા મહોત્સવની ભવ્ય ઉજવણી કરવામાં આવશે. ટ્રસ્ટના સ્થાપક યોગેશ બંસલ અને પ્રમુખ વિનોદ ડોહકાવાલાએ જણાવ્યું હતું કે, આ પ્રસંગે સિટી-લાઇટ સ્થિત દેવસર માતા એસી હોલમાં કોલકાતાના કારીગરો દ્વારા બાબા શ્યામના ભવ્ય અને અલૌકિક દરબારને શણગારવામાં આવશે. સવારે 11.15 વાગ્યાથી શણગારેલા દરબાર સામે અખંડ જ્યોત પ્રગટાવવામાં આવશે. આ પછી ભજન સંધ્યાનું આયોજન કરવામાં આવશે. ભજન સંધ્યામાં દેશભરના 31 જાણીતા ગાયકો અને કલાકારો ભજન રજૂ કરશે. ટ્રસ્ટના સેક્રેટરી રાજેશ કિલ્લા અને ખજાનચી દિલીપ અગ્રવાલે જણાવ્યું હતું કે, આ કાર્યક્રમમાં રાજસ્થાનના દાંતાધામના પૂજારી રામપ્રકાશજી દધીચની પાવન હાજરી ભક્તોને મળશે. મોડી રાત સુધી ચાલનારા આ કાર્યક્રમમાં ફ્લાવર શાવર, પરફ્યુમ સ્પ્રે, સવામાણી, છપ્પન ભોગ વગેરે કાર્યક્રમોનું પણ આયોજન કરવામાં આવશે.
