મોટા ફોફળિયાના દાતાશ્રી દ્વારા અનસુયા માતાજીને પાંચ તોલાનો સોનાનો હાર અર્પણ

મોટા ફોફળિયાના દાતાશ્રી દ્વારા અનસુયા માતાજીને પાંચ તોલાનો સોનાનો હાર અર્પણ
દેવ ઉઠી અગિયારસે માતાજીનું દિવ્ય રૂપ સૌને મંત્રમુગ્ધ કરી ગયું
તારીખ 25 ઓક્ટોબર, 2025ના રોજ મોટા ફોફળિયા ગામના રહેવાસી રોમાબેન હસમુખભાઈ પટેલે શ્રી અનસુયા માતાજીને દાનરૂપે પાંચ તોલાનો સોનાનો હાર અને સોનાની બુટ્ટીઓ અર્પણ કરી હતી. આ દાન મામલતદાર શિનોર, જે મંદિરના ટ્રસ્ટી પણ છે, તેમને આપવામાં આવ્યું હતું જેથી દેવ ઉઠી અગિયારસ અને દર વર્ષે કાર્તિકી પૂનમે આ હાર માતાજીને ચઢાવવામાં આવે.
આજરોજ 2 નવેમ્બર, દેવ ઉઠી અગિયારસના પવિત્ર દિવસે, દાતાશ્રી તથા તેમનો પરિવાર વહેલી સવારે અંબાલી મુકામે આવેલા અનસુયા માતાના મંદિરે પહોંચ્યો હતો. પુજારીએ 11 મીટર સાડી ધારણ કરાવી, જ્યારે મામલતદારના પ્રતિનિધિએ પોલીસ રક્ષણ સાથે સોનાનો હાર અને બુટ્ટીઓ લાવીને ધાર્મિક વિધિ અને આરતી સાથે માતાજીને પહેરાવ્યા હતા.
સોનાના હાર અને નવી સાડીથી શોભતા માતાજીનું દિવ્ય રૂપ એટલું આકર્ષક લાગતું હતું કે હાજર ભક્તોએ અનુભવું કર્યું કે જાણે માતાજી સાક્ષાત પ્રગટ થયા હોય. ભક્તોએ આનંદભેર દર્શનનો લાભ લીધો અને શુભ ક્ષણનું સ્મરણ હૃદયમાં સંભાળ્યું.



