કમોસમી વરસાદે કપાસ બગાડ્યો; સિંધોર–કરજણના ખેડૂતો પાયમાલ
હસમુખ પટેલ સાધલી
શિનોર તાલુકામાં કપાસ પકવતા ખેડૂતો ના ખેતરમાં કમોસમી વરસાદના કારણે કપાસના પાન લાલ થઈ ગયા, જીંડવા કહોવાય ગયા અને કપાસ ની ક્વોલિટી બગડી જતા ખેડૂત પાયમાલ થયો છે.
ઓક્ટોબર માસમાં કમોસમી વરસાદ ના કારણે શિનોર – કરજણ તાલુકાના કપાસ પકવતા ખેડૂતો નો ઉભા કપાસ ના પાંદડા લાલ થઈ ગયા ,જીંડવા કહોવાય ગયા અને કપાસની ક્વોલિટી બગડી જતા, બજારમાં ખાનગી વેપારીઓ વધ્યા ઘટ્યા આ કપાસને માત્ર ₹5,000 થી 6000 માં ખરીદી ખેડૂતોને વધુ નુકસાન કરી રહ્યા છે. કરજણ/ શિનોરમાં બજાર સમિતિ હોવા છતાં સીસીઆઈ દ્વારા ટેકાના ભાવ ₹8060/00 થી કોઈ ખરીદતું નથી. સાધલીમાં ત્રણ સહકારી જીનિંગ પ્રેસીંગ સોસાયટી બંધ થઈ ગયેલ છે. સી.સી.આઇ નું એક પણ સેન્ટર શિનોર- કરજણ માં શરૂ થયેલ નથી, જેથી ખેડૂતો ખાનગી વેપારીઓ પાસે લુંટાઇ રહ્યા છે. ખેડૂતોના નેતાઓને કિસાન રાહત પેકેજની વાહ વાહ કરવા માંથી ટાઈમ મળતો નથી, સીસીઆઈ ચાલુ કરાવવામાં કોઈ નેતાને રસ નથી.
મોડે મોડા સરકાર દ્વારા આ કમોસમી વરસાદ થી થયેલ નુકસાની બદલ સહાયના ફોર્મ તારીખ 14 નવેમ્બર 2025 બપોરના 12 વાગ્યા પછી 15 દિવસ માટે ઓનલાઇન VCE મારફત ભરવા જાહેરાત કરેલ છે.
જેમાં આધારકાર્ડ, 7-12 , 8-અ ના ઉતારા ,બેંક પાસબુક, તલાટીનો વાવેતર નો દાખલો, સંયુક્ત ખાતામાં સંમતિપત્ર, મૃતક કિસ્સામાં પેઢીનામુ, જેવા કાગળો રજુ કરવાના છે. કટિયાં કાઢવામાં મુશ્કેલી એ છે કે સર્વર કામ આપતું નથી, નવા કટીંયાંના ઉતારાની ફી ની રકમ, ઉપરાંત VCE દ્વારા આધારકાર્ડ ,બેંક પાસબુક ,સંમતિ પત્રની ઝેરોક્ષ નકલો કાઢી આપવામાં આવે છે ,એની ફી લે છે. ઓનલાઇન કરવાની કોઈ ફી ખેડૂતો પાસેથી લેવામાં આવતી નથી. પરંતુ ઓનલાઇન કરેલા તમામ કાગળો ની કોપી ખેડૂતો માંગતા હોવાથી આ કોપીના કાગળો ની ટોકન રકમ લેવામાં આવે છે. એમ VCE મારફત જાણવા મળેલ છે.
