યશવર્ધન આહુજાનું બોલિવૂડ ડેબ્યૂ! ‘હીરો કી હૉરૉરૉઈન’માં જોવા મળશે હૉરર-કૉમેડીનો મજેદાર ડોઝ
યશવર્ધન આહુજાનું બોલિવૂડ ડેબ્યૂ! ‘હીરો કી હૉરૉરૉઈન’માં જોવા મળશે હૉરર-કૉમેડીનો મજેદાર ડોઝ
એકતા આર. કપૂર અને અમર બુટાલાએ અનોખી હૉરર-કૉમેડી ફિલ્મ ‘હીરો કી હૉરૉરૉઈન’ માટે હાથ મિલાવ્યો છે. સાજિદ ખાનના નિર્દેશનમાં બનેલી આ ફિલ્મ 7 જાન્યુઆરી 2027ના રોજ સિનેમાઘરોમાં રિલીઝ થશે. જય હો મીડિયા વેન્ચર્સની આ ફિલ્મને બાલાજી ટેલિફિલ્મ્સ લિમિટેડ રજૂ કરી રહ્યું છે. ફિલ્મનું નિર્માણ શોભા કપૂર, એકતા આર. કપૂર અને અમર બુટાલાએ કર્યું છે.
અલગ-અલગ પ્રકારની વાર્તાઓ રજૂ કરવા માટે જાણીતી એકતા આર. કપૂરનો હૉરર-કૉમેડી જૉનર સાથે ખાસ સંબંધ રહ્યો છે. તેમની ફિલ્મોમાં હૉરર, રોમાન્સ, કૉમેડી અને મનોરંજનનું મિશ્રણ જોવા મળતું આવ્યું છે. આ વર્ષે તેમની ફિલ્મ ‘ભૂત બંગલા’ને પણ દર્શકોનો સારો પ્રતિસાદ મળ્યો હતો. હવે ‘હીરો કી હૉરૉરૉઈન’ સાથે મેકર્સ ફરી એકવાર આ જૉનરમાં પરત ફરી રહ્યા છે. અમર બુટાલા પણ આ પ્રોજેક્ટ માટે એકતા આર. કપૂર સાથે જોડાયા છે. તેઓ આ પહેલાં ‘બજરંગી ભાઈજાન’, ‘કેસરી’ અને ‘મિશન મજનૂ’ જેવી જાણીતી ફિલ્મોનું નિર્માણ કરી ચૂક્યા છે. સાજિદ ખાનના નિર્દેશનમાં બનેલી ‘હીરો કી હૉરૉરૉઈન’માં યશવર્ધન આહુજા, નિતાંશી ગોયલ, સુનીતા આહુજા, જેમી લીવર, ચંકી પાંડે, બૃજેન્દ્ર કાલા અને સિમરત કૌર રંધાવા જેવા કલાકારો જોવા મળશે. ફિલ્મમાં સુપરનેચરલ વાર્તાને કૉમેડીના અંદાજમાં રજૂ કરવામાં આવશે. તેમાં હૉરર, રોમાન્સ અને કૉમેડીનું મજેદાર મિશ્રણ જોવા મળશે. યશવર્ધન આહુજા માટે ‘હીરો કી હૉરૉરૉઈન’ હિન્દી સિનેમામાં લીડ એક્ટર તરીકે ડેબ્યૂ ફિલ્મ છે. તેમની સાથે નિતાંશી ગોયલ મુખ્ય ભૂમિકામાં જોવા મળશે. ફિલ્મમાં અનુભવી કલાકારો અને યુવા પ્રતિભાઓનો સુંદર સંગમ જોવા મળશે. શોભા કપૂર, એકતા આર. કપૂર અને અમર બુટાલા દ્વારા નિર્મિત ‘હીરો કી હૉરૉરૉઈન’ જય હો મીડિયા વેન્ચર્સની પ્રોડક્શન છે. ફિલ્મને બાલાજી ટેલિફિલ્મ્સ લિમિટેડ રજૂ કરી રહ્યું છે અને તેનું નિર્દેશન સાજિદ ખાને કર્યું છે. હીરો કી હૉરૉરૉઈન’ 7 જાન્યુઆરી 2027ના રોજ સિનેમાઘરોમાં રિલીઝ થશે.
