સાધલી મુકામે આવેલ શ્રેષ્ઠ પ્રાથમિક શાળાને 125 વર્ષ પૂર્ણ થતાં ઉજવણી કરાઇ
શિનોર તાલુકામાં સાધલી મુકામે આવેલ શ્રેષ્ઠ પ્રાથમિક શાળા ની સ્થાપના ગાયકવાડી રાજયના સમયમાં તારીખ 1 જાન્યુઆરી 1900 ના રોજ થયેલ હતી. તાજેતરમાં તારીખ 1 જાન્યુઆરી 2025 ના રોજ શાળાને 125 વર્ષ પૂરા થતાં શાળાના તમામ બાળકો સહિત આચાર્ય અશોક પ્રજાપતિ અને સમગ્ર શિક્ષણ સ્ટાફ દ્વારા *હેપી બર્થ ડે માય સ્કુલ* બેનરો સાથે શુભકામના આપી હતી અને તારીખ 1 જાન્યુઆરી 2025 ના નવા વર્ષ ને * વેલકમ 2025 * ના બેનરો સાથે આવકાર આપવામાં આવ્યો હતો. આચાર્ય અશોક પ્રજાપતિ દ્વારા તમામ બાળકોને આ પ્રસંગે ચોકલેટનું વિતરણ કરી મોં મીઠું કરાવ્યું હતું. તારીખ 25 જુલાઈ 2015 ના રોજ થી આ શાળાનું મકાન સરકાર દ્વારા બે માળનું નવીન બનાવેલ હોય અને શાળાને પી.એમ. શ્રી સાધલી પ્રાથમિક સ્કૂલ તરીકે જાહેર કરેલ હોય બાળકોમાં તથા શાળા શિક્ષણ પરિવારમાં ઘણો જ ઉત્સાહ અને આનંદ દેખાઈ રહ્યો હતો. આગામી તારીખ 26 જાન્યુઆરી 2025 ,પ્રજાસત્તાક દિન પ્રસંગે 125 વર્ષ પૂરા થતા હોય વિવિધ રીતે ઉજવણી કરવાનું આ તબક્કે નક્કી કરવામાં આવેલ છે.
