સુમન નિસર્ગ અને સુમન મંગલ આવાસમાં AAP દ્વારા મતદાર સુધારણા કેમ્પ યોજાયો
સુરત: શુક્રવારે ખાસ મતદાર યાદી સુધારણા (SIR – Special Intensive Revision) અંતર્ગત આમ આદમી પાર્ટી દ્વારા સુમન નિસર્ગ અને સુમન મંગલ આવાસ ખાતે મતદાર સુધારણા કેમ્પનું આયોજન કરવામાં આવ્યું હતું. આ કેમ્પમાં લોકલ બુથ નં–98 માટે નિયુક્ત આમ આદમી પાર્ટીના BLA-2 કાર્યકરો — સાગરભાઈ સવાણી, જીગ્નેશભાઈ જીવાણી, યોગેશભાઈ લાપાણી, સતીષભાઈ સવાણી, હરેશભાઈ કાકડીયા અને વિપુલભાઈ જીવાણી — સક્રિય રીતે જોડાયા હતા.
વેડરોડ ત્રિલોકનગર સોસાયટીના યુવા નેતા કિર્તેશ પાટીલએ પણ કેમ્પમાં મુલાકાત લઇ મતદારોને થતી વિવિધ સમસ્યાઓ જાણવા સાથે તેનો ઉકેલ લાવવામાં મહત્વપૂર્ણ સહયોગ આપ્યો હતો. કેમ્પ દરમ્યાન મતદાર યાદી સંબંધિત સુધારણા, નામ ઉમેરવા–કઢાવવા અને જરૂરી દસ્તાવેજી માર્ગદર્શન જેવી સેવાઓ પ્રદાન કરવામાં આવી.
ઉલ્લેખનીય છે કે ગત ગુરુવારે પણ આમ આદમી પાર્ટીના કાર્યકરો દ્વારા સુમન દર્શન આવાસ ખાતે સમાન મતદાર સુધારણા કેમ્પ યોજાયો હતો, જેમાં સૈંકડો નાગરિકોને જરૂરી સહાય પ્રાપ્ત થઈ હતી.
