સેંટ માર્કસ હાયર સેકન્ડરી સ્કૂલ, અડાજણ, સુરતમાં ૮૦ માં સ્વાતંત્ર્ય દિનની ભવ્ય ઉજવણી

સેંટ માર્કસ હાયર સેકન્ડરી સ્કૂલ, અડાજણ, સુરતમાં ૮૦ માં સ્વાતંત્ર્ય દિનની ભવ્ય ઉજવણી
સુરતની સુપ્રસિધ્ધ સેંટ માર્કસ હાયર સેકન્ડરી સ્કૂલમાં તારીખ – ૧૫ મી ઓગષ્ટ ૨૦૨૬ ના રોજ શાળાના પ્રિ-પ્રાયમરી, સેકન્ડરી અને હાયર સેકન્ડરી વિભાગનાં શિક્ષકો તેમજ વિધાર્થીઓએ સ્વાતંત્ર્ય દિનની ઉમંગભેર ઉજવણી કરી હતી. સુરતના શાસકપક્ષના નેતા શ્રીમતી અલ્પનાબેન મહેતાએ મુખ્ય અતિથિ તરીકે અને સુરત શહેર પત્રકાર સંઘના પ્રમુખ શ્રી અશોકભાઈ ગોહિલ અતિથિ વિશેષ તરીકે હાજરી આપી કાર્યક્રમની શોભા વધારી હતી.
શાળાનાં ટ્રસ્ટ્રીશ્રી બી.વી.એસ.રાવસર તેમજ કોફાઉન્ડર શ્રીમતી સુશીલા મેડમ તથા શાળાના આચાર્યશ્રી પ્રણબકુમાર નાયક સર, એકેડેમિક એડમિનિસ્ટ્રેટર શ્રી ડેવિડસર, પ્રિ-પાયમરી ઈન્ચાર્જ શ્રીમતી આરતી વિજય સ્વામી, પ્રાયમરી ઈન્ચાર્જ શ્રીમતી ખુશાલી શાહ, સાયન્સ ઈન્ચાર્જ શ્રીમતી શેફાલી દવે તેમજ શાળાના અન્ય શિક્ષકોએ ઉપસ્થિત રહી વિધાર્થીઓનો ઉત્સાહ વધાર્યો હતો આ તમામ મહાનુભાવોનું સ્વાગત બેન્ડના તાલે કરવામાં આવ્યું. વિધાર્થીઓ દ્રારા હાજર મહાનુભાવોનું સન્માન પુષ્પગુચ્છથી કરવામાં આવ્યું. ત્યારબાદ મુખ્ય મહેમાન શ્રીમતી અલ્પા મેડમના વરદહસ્તે ધ્વજવંદન કરવામાં આવ્યું. સૌએ આપણા તિરંગાને સલામી આપી. આઝાદી મેળવવા માટે આપણા જવાનોએ જે બલિદાન આપ્યું તે વિશેની સમજ શાળાના ટ્રસ્ટ્રીશ્રી રાવ સરે આપી હતી.હાજર દરેક મહાનુભાવોને સ્વાતંત્ર્ય દિન નિમિતે તેમનું વકતવ્ય આપ્યું હતું.
આ કાર્યક્રમ અંતર્ગત જે વિધાર્થીઓ શાળાની તથા શાળા બહારની વિવિધ સ્પર્ધામાં વિજેતા નિવડયા હતા તેમનું શિલ્ડ, પુષ્પગુચ્છ અને સર્ટીફિકેટ આપી બહુમાન કરવામાં આવ્યું હતું. કાર્યક્રમમાં વિધાર્થીઓએ “ઓ દેશ મેરે તેરી શાનપે સદકે”, “તેરે મીટ્ટી મે મિલ જવા” જેવા દેશભક્તિ ગીત અને નૃત્ય, કરાટે ડાન્સ, વગેરે રજુ કર્યા હતા. આ ઉપરોકત કાર્યક્રમમાં વાલીઓએ પણ હાજર રહી આ ભવ્ય ઉજવણીને ખૂબ ઉત્સાહપૂર્વક માણી હતી.
વાલીઓએ શાળાના શિક્ષકો તથા વિધાર્થીઓની અથાગ મહેનતના ભરપેટ વખાણ કર્યા હતા.અંતે મ્યૂઝીક થકી રાષ્ટ્રગીત દ્રારા રાષ્ટ્રને માન આપી કાર્યક્રમની સમાપ્તિ કરવામાં આવી હતી.