દિશા પટણી: ‘એમ.એસ. ધોની’થી ‘આવારાપન 2’ સુધી, દરેક ફિલ્મ સાથે નવો અંદાજ
જ્યારે પણ દિશા પટણી મોટા પડદા પર જોવા મળી છે, ત્યારે તે પોતાના કરિયરના એક અલગ જ તબક્કામાં રહી છે. અભિનેત્રીએ 2015માં તેલુગુ ફિલ્મ ‘લોફર’થી પોતાના ફિલ્મી સફરની શરૂઆત કરી હતી, જેમાં તે વરુણ તેજ સાથે જોવા મળી હતી. જોકે, 2016માં આવેલી બોલિવૂડની બ્લોકબસ્ટર ફિલ્મ ‘એમ.એસ. ધોની: ધ અનટોલ્ડ સ્ટોરી’એ તેમને દેશભરમાં ઓળખ અપાવી. ફિલ્મમાં પ્રિયંકાના પાત્રમાં દિશાએ પ્રેમની માસૂમિયત અને લાગણીઓને ખૂબ જ સુંદર રીતે રજૂ કરી અને દર્શકોના દિલમાં પોતાની ખાસ જગ્યા બનાવી.
2017માં દિશાએ ચાઈનીઝ ફિલ્મ ‘કુંગ ફૂ યોગા’થી ઇન્ટરનેશનલ સિનેમામાં પગ મૂક્યો અને દિગ્ગજ અભિનેતા જેકી ચેન સાથે સ્ક્રીન શેર કરી. આ ફિલ્મ દ્વારા તેમણે સાબિત કર્યું કે તેઓ પોતાને કોઈ એક પ્રકારની ફિલ્મો સુધી સીમિત રાખવા માંગતી નથી. ત્યારબાદ ‘ભારત’, ‘બાગી 2’, ‘મલંગ’, ‘રાધે’ અને ‘એક વિલન રિટર્ન્સ’ જેવી ફિલ્મો દ્વારા તેમણે રોમાન્સ, એક્શન, ગ્રે શેડ્સ અને થ્રિલર જેવા અલગ-અલગ પ્રકારના પાત્રો ભજવ્યા.
2024 દિશાના કરિયર માટે એક ખાસ વર્ષ રહ્યું, જ્યારે તેમની સતત ત્રણ ફિલ્મો રિલીઝ થઈ. ‘યોદ્ધા’માં તેમણે શાનદાર એક્શન સિક્વન્સ કર્યા. ત્યારબાદ ‘કલ્કિ 2898 એડી’માં તેઓ એક અલગ જ અંદાજમાં જોવા મળી, જ્યાં તેમણે બાઉન્ટી હન્ટર અને મર્સિનરીનું પાત્ર ભજવ્યું. આ જ વર્ષે ‘કંગુવા’ સાથે તેમણે તમિલ સિનેમામાં પણ ડેબ્યૂ કર્યું અને ફિલ્મની ફીમેલ લીડ તરીકે જોવા મળી. આ રીતે દિશાએ પોતાને એક મજબૂત પેન-ઇન્ડિયા અભિનેત્રી તરીકે સ્થાપિત કરી.
2026માં પણ દિશાનું કરિયર સતત આગળ વધી રહ્યું છે. આ વર્ષે તેમની ત્રણ ફિલ્મો દર્શકો સુધી પહોંચી રહી છે. ‘ઓ’ રોમિયો’ બાદ તેમણે ‘વેલકમ’ ફ્રેન્ચાઇઝીની ફિલ્મ ‘વેલકમ ટુ ધ જંગલ’ સાથે કોમેડીના ક્ષેત્રમાં પણ પગ મૂક્યો. ફિલ્મમાં તેમણે ગ્લેમર સાથે પોતાની કોમિક ટાઇમિંગથી પણ દર્શકોનું મનોરંજન કર્યું.
હવે દિશા ‘આવારાાપન 2’નો મહત્વનો હિસ્સો છે, જે તેની પહેલી ફિલ્મની લોકપ્રિયતાને કારણે સૌથી વધુ રાહ જોવાતી ફિલ્મોમાંથી એક છે. ફિલ્મનું ટ્રેલર રિલીઝ થઈ ચૂક્યું છે, જેમાં દિશા એક શાંત અને ભાવનાત્મક અંદાજમાં જોવા મળી રહી છે. તેમના પાત્રની વાર્તાને લઈને દર્શકોની ઉત્સુકતા વધી ગઈ છે.
14 ઓગસ્ટે ફિલ્મ સિનેમાઘરોમાં રિલીઝ થવાની સાથે જ દર્શકો ફરી એકવાર દિશા પટણીનો નવો અંદાજ જોવા માટે તૈયાર છે. આ વખતે પણ તેમનો બદલાવ માત્ર એક અલગ પાત્ર પસંદ કરવા પૂરતો નથી, પરંતુ તે તેમના સતત બદલાતા અને આગળ વધતા કરિયરનો એક મહત્વપૂર્ણ ભાગ છે.
0000
