વ્યાપાર
સપ્ટેમ્બર 2026માં વાર્ષિક ધોરણે 100 ટકાની વૃદ્ધિ સાથે તહેવારોની સિઝન પહેલાં નિસાન મોટર ઇન્ડિયાના સ્થાનિક વેચાણમાં તેજી
- સપ્ટેમ્બર 2026માં વાર્ષિક ધોરણે 100 ટકાની વૃદ્ધિ સાથે તહેવારોની સિઝન પહેલાં નિસાન મોટર ઇન્ડિયાના સ્થાનિક વેચાણમાં તેજી
- ગુરુગ્રામ, 01 ઑક્ટોબર, 2026: નિસાન મોટર ઇન્ડિયા પ્રાઇવેટ લિમિટેડ (NMIPL) એ આજે સપ્ટેમ્બર 2026માં કુલ 10,025 યુનિટ્સના હોલસેલ વેચાણની જાહેરાત કરી. તેમાં સ્થાનિક બજારમાં 3,300 યુનિટ્સ અને નિકાસ બજારમાં 6,725 યુનિટ્સનું વેચાણ સામેલ છે. ગત મહિને કંપનીએ સ્થાનિક બજારમાં વેચાણમાં જોરદાર તેજી નોંધાવી હતી. સ્થાનિક બજારમાં સપ્ટેમ્બર 2025માં 1,652 યુનિટ્સની સરખામણીએ સપ્ટેમ્બર 2026માં વાર્ષિક ધોરણે 100 ટકાની વૃદ્ધિ નોંધાઈ હતી. નવી નિસાન ટેક્ટોન, મેગ્નાઇટ અને ગ્રેવાઇટ સાથે નિસાનના વધતા SUV પોર્ટફોલિયોને ગ્રાહકો તરફથી મળેલી મજબૂત માંગ તેમજ સતત વિસ્તરી રહેલા ડીલર નેટવર્કને કારણે આ શાનદાર પ્રદર્શન શક્ય બન્યું છે. સ્થાનિક બજારમાં સતત થઈ રહેલી વૃદ્ધિ નિસાનના પ્રોડક્ટ પોર્ટફોલિયોની સતત વધી રહેલી સ્વીકૃતિ અને ભારતીય બજાર માટે કંપનીની વિશિષ્ટ વ્યૂહરચનાને પ્રતિબિંબિત કરે છે. પોતાના વિશિષ્ટ પ્રોડક્ટ પોર્ટફોલિયો, શાનદાર ઓનરશિપ એક્સપિરિયન્સ અને સમગ્ર ભારતમાં ડીલર નેટવર્કના વિસ્તરણ દ્વારા નિસાન સતત ગ્રાહકો સુધી પોતાની પહોંચ મજબૂત કરી રહી છે.
- આ શાનદાર પ્રદર્શન અંગે નિસાન મોટર ઇન્ડિયાના મેનેજિંગ ડિરેક્ટર શ્રી સૌરભ વત્સે જણાવ્યું, “સપ્ટેમ્બરમાં સ્થાનિક બજારમાં અમારું વેચાણ વાર્ષિક ધોરણે લગભગ બમણું થયું છે. આ શાનદાર પ્રદર્શન નિસાનની પ્રોડક્ટ-કેન્દ્રિત વ્યૂહરચના, અમારા નેટવર્કની મજબૂતી અને વધેલી ક્ષમતા, ફાઇનાન્સ તથા બિઝનેસ પાર્ટનર્સના યોગદાન અને નિસાન બ્રાન્ડમાં ભારતીય ગ્રાહકોના સતત વધતા વિશ્વાસને દર્શાવે છે. સ્થાનિક બજારમાં વધતું વેચાણ અમને ભારતમાં વિસ્તરણ કરવા માટે મજબૂત આધાર પૂરું પાડે છે. સાથે જ, અમે અમારા આંતરરાષ્ટ્રીય ડીલર્સ, ડિસ્ટ્રિબ્યુટર્સ અને વિદેશી બજારોના ગ્રાહકોના સતત સમર્થન માટે પણ આભારી છીએ, જેમના સહયોગથી અમે નિકાસ બજારમાં શાનદાર પ્રદર્શન કરવામાં સક્ષમ રહ્યા છીએ. ભવિષ્યની તકોને લઈને અમને સંપૂર્ણ વિશ્વાસ છે. નિસાન બ્રાન્ડ અને તેના પ્રોડક્ટ્સ પર વિશ્વાસ વ્યક્ત કરનારા ગ્રાહકો માટે શ્રેષ્ઠ પ્રોડક્ટ્સ અને મજબૂત નેટવર્ક દ્વારા વિકાસની આ ગતિને આગળ વધારવા માટે અમે પ્રતિબદ્ધ છીએ.”
- નિસાને સપ્ટેમ્બર 2026માં નિકાસ બજારોમાં કુલ 6,725 યુનિટ્સનું વેચાણ કર્યું હતું. આ પ્રદર્શન સાથે કંપનીએ ભારતમાંથી આંતરરાષ્ટ્રીય બજારોના ગ્રાહકોને શાનદાર સેવા પૂરી પાડવાની પોતાની પ્રતિબદ્ધતા જાળવી રાખી છે. પોતાની ‘વન કાર, વન વર્લ્ડ’ વ્યૂહરચના હેઠળ નિસાન ભારત તેમજ વિદેશી બજારોના ગ્રાહકોને વૈશ્વિક ગુણવત્તાના ધોરણો અનુસાર તૈયાર કરવામાં આવેલા પ્રોડક્ટ્સ ઉપલબ્ધ કરાવી રહી છે. આનાથી નિસાનના વૈશ્વિક કામગીરીમાં ભારતની મહત્વપૂર્ણ સ્થિતિ વધુ મજબૂત બની છે.
- નિસાનના SUV DNAને ધ્યાનમાં રાખીને તૈયાર કરવામાં આવેલી નવી નિસાન ટેક્ટોનમાં જાપાની કારીગરી, ઇન્ટેલિજન્ટ ટેક્નોલોજી, શાનદાર પરફોર્મન્સ અને રોજિંદી વ્યવહારુ જરૂરિયાતોનું સંયોજન કરવામાં આવ્યું છે. મેગ્નાઇટ અને ગ્રેવાઇટ સાથે મળીને ટેક્ટોને ભારતીય ઓટોમોટિવ માર્કેટના મુખ્ય સેગમેન્ટ્સમાં પોતાની હાજરી મજબૂત કરવા અને સતત વિસ્તરણ કરવાની નિસાનની વ્યૂહરચનાને આગળ વધારવામાં મહત્વપૂર્ણ ભૂમિકા ભજવી છે.
- વધુ માહિતી માટે કૃપા કરીને મુલાકાત લો: www.nissan.in
