મેન ઓફ પ્લેટિનમ આધુનિક સફળતાની દરેક અભિવ્યક્તિને અનુરૂપ નવી ડિઝાઇન સાથે તેના કલેક્શનને વિસ્તારે છે

મેન ઓફ પ્લેટિનમ આધુનિક સફળતાની દરેક અભિવ્યક્તિને અનુરૂપ નવી ડિઝાઇન સાથે તેના કલેક્શનને વિસ્તારે છે
રોહિત શર્મા અને અનિરુદ્ધ રવિચંદરના સહયોગ સાથે રજૂ કરાયેલા આ કલેક્શનમાં આકર્ષક અને આગવી ઓળખ ઊભી કરતા ઘરેણાંથી લઈને આધુનિક શૈલીની ડિઝાઇનનો સમાવેશ થાય છે, જે સફળતાની સફરના જુદા-જુદા તબક્કામાંથી પસાર થઈ રહેલા પુરુષોની ઓળખ વ્યક્ત કરે છે
 મુંબઈ: પ્લેટિનમ ગિલ્ડ ઇન્ટરનેશનલ (પીજીઆઈ) ઈન્ડિયાએ મેન ઓફ પ્લેટિનમનું નવું કલેક્શન રજૂ કર્યું છે. આ કલેક્શનમાં પુરુષોની સફળતાની સફરના જુદા-જુદા તબક્કાને અનુરૂપ ચેઇન, પેન્ડન્ટ, બ્રેસલેટ અને વીંટીનો સમાવેશ થાય છે. બ્રાન્ડના નવા કેમ્પેઇનમાં રોહિત શર્મા અને અનિરુદ્ધ રવિચંદર આ કલેક્શનને રજૂ કરી રહ્યા છે. આ કલેક્શન એક મૂળભૂત માન્યતાને સાકાર કરે છે કે લાંબા સમય સુધી ટકી રહેતી સફળતા ચારિત્ર્યના પાયા પર ઊભી થાય છે. પોતાની અલગ ઓળખ અને માર્ગ બનાવવાનો દ્રઢ નિશ્ચય, સતત આગળ વધતા રહેવાની ક્ષમતા અને સિદ્ધિઓને કાયમી મહત્ત્વ આપતાં મૂલ્યો સફળતાને ટકાઉ બનાવે છે.
આ કલેક્શન મેન ઓફ પ્લેટિનમની દુનિયાને વધુ વિસ્તારે છે. તેમાં આગવી ઓળખ ઊભી કરતાં આકર્ષક પ્લેટિનમનાં ઘરેણાંની સાથે હળવી અને આધુનિક ડિઝાઇનનો પણ સમાવેશ કરવામાં આવ્યો છે, જેનો નિયમિત ઉપયોગ કરી શકાય છે. આકર્ષક આકારો, જ્યોમેટ્રિક સરફેસીસ, એકબીજા સાથે જોડાયેલી કડીઓ તેમજ રંગો અને ફિનિશિંગ વચ્ચેના સુમેળભર્યા વિરોધાભાસથી વ્યક્તિગત શૈલીની વિવિધ અભિવ્યક્તિઓ સર્જાય છે. તેમાં સફળતા અને પ્રતિષ્ઠાની ઓળખ આપતાં ઘરેણાંથી લઈને પુરુષની પોતાની ઓળખનો હિસ્સો બની જાય તેવાં ઘરેણાંનો સમાવેશ થાય છે.
રોહિત શર્માનો સંયમ અને નેતૃત્વ સફળતાને ટકાવી રાખતાં ચારિત્ર્ય અને મૂલ્યોની વાત કરે છે. અનિરુદ્ધ રવિચંદરનો આત્મવિશ્વાસ અને સતત બદલાવ સ્વીકારીને આગળ વધવાની તૈયારી સફળતા હાંસલ કરવામાં મહત્વપૂર્ણ ભૂમિકા ભજવતા ચારિત્ર્યને દર્શાવે છે. બંનેની સફળતાની અલગ-અલગ સફર ઘરેણાંને પહેરનાર પુરુષોના નિર્ણયો અને મૂલ્યો સાથે જોડવાનો માર્ગ પૂરો પાડે છે.
દરેક ઘરેણાના કેન્દ્રમાં પ્લેટિનમ છે, જે લાંબા સમય સુધી ટકી રહેવાની ક્ષમતા માટે જાણીતી કિંમતી ધાતુ છે. તેની મજબૂતાઇ અને કુદરતી સફેદ રંગ આકર્ષક અને વિશિષ્ટ ઘરેણાંથી લઈને રોજિંદા ઉપયોગ માટેનાં સુઘડ ઘરેણાં સુધીની વિવિધ ડિઝાઇનનો આધાર બને છે. દરેક ઘરેણું તેને પહેરનાર પુરુષના ચારિત્ર્યને રજૂ કરે એ રીતે તૈયાર કરવામાં આવ્યું છે.
રોહિત શર્માએ જણાવ્યું હતું કે, “પ્લેટિનમ તેની લાંબા સમય સુધી ટકી રહેતી મજબૂતાઇ માટે જાણીતું છે. મારા મતે, આ ગુણ તેને જીવનમાં ગમે તેવી પરિસ્થિતિ આવે છતાં આગળ વધતા રહેવા માટે જરૂરી ચારિત્ર્યનું એક સશક્ત પ્રતીક બનાવે છે. હું હંમેશાં માનતો આવ્યો છું કે સફળતા મહત્વપૂર્ણ છે, પરંતુ ત્યાં સુધી પહોંચવા માટે તમે કયો માર્ગ અપનાવો છો તે પણ એટલું જ મહત્વનું છે. દબાણની પરિસ્થિતિમાં તમે કેવા નિર્ણયો લો છો, બાબતો તમારી ઇચ્છા મુજબ ન થાય ત્યારે કેવી પ્રતિક્રિયા આપો છો અને તમારી સાથે અન્ય લોકોને કેવી રીતે આગળ લઈ જાઓ છો, આ બધી બાબતો તમારા વ્યક્તિત્વ વિશે ઘણું કહી જાય છે. ચારિત્ર્ય અંગેનો આ વિચાર મેન ઓફ પ્લેટિનમ સાથે મને ગાઢ રીતે જોડે છે.”
અનિરુદ્ધ રવિચંદરે જણાવ્યું હતું કે, “મારા માટે સફળતાનો અર્થ હંમેશાં પોતાની જાત પર વિશ્વાસ રાખવો, પોતાનો માર્ગ બનાવવો અને સતત વિકાસ કરતા રહેવું એ પ્રકારનો રહ્યો છે. તમે શું કરો અથવા કેવા બનો તે અંગે લોકોના અલગ-અલગ અભિપ્રાયો હંમેશાં રહેશે, પરંતુ પોતાની જાત પ્રત્યે વફાદાર રહેવાનો દ્રઢ નિશ્ચય જ ખરેખર મહત્વનો છે. ચારિત્ર્ય અંગેનો આ વિચાર મેન ઓફ પ્લેટિનમ સાથે મને ગાઢ રીતે જોડે છે. પ્લેટિનમ તેની લાંબા સમય સુધી ટકી રહેતી મજબૂતાઇ માટે જાણીતું છે. મારા માટે તે સતત વિશ્વાસ રાખવા, સર્જનાત્મકતા જાળવી રાખવા અને આગળ વધતા રહેવા માટે જરૂરી આંતરિક શક્તિનું સશક્ત પ્રતીક છે.”
પ્લેટિનમ ગિલ્ડ ઇન્ટરનેશનલનાં ગ્લોબલ માર્કેટ ડેવલપમેન્ટના હેડ અને ભારત તથા મધ્ય પૂર્વનાં મેનેજિંગ ડિરેક્ટર વૈશાલી બેનર્જીએ જણાવ્યું હતું કે, “પુરુષો હવે જીવનની વધુ જુદી-જુદી પળોએ અને વધુ વિવિધ રીતે ઘરેણાં પહેરી રહ્યા છે. આ કલેક્શન દ્વારા અમે મેન ઓફ પ્લેટિનમને પહેલેથી સફળતા હાંસલ કરી ચૂકેલા પુરુષો માટેનાં વિશિષ્ટ ઘરેણાંથી આગળ લઈ જઈ રહ્યા છીએ. તેમાં પોતાની આગવી શૈલી વિકસાવી રહેલા યુવા પુરુષો માટે આધુનિક ડિઝાઇનના વિકલ્પો પણ સામેલ કરવામાં આવ્યા છે. પુરુષોનાં ઘરેણાંના ક્ષેત્રમાં પ્લેટિનમની ભૂમિકાને વધુ વ્યાપક રીતે રજૂ કરવાનો આ પ્રયાસ છે. આ ડિઝાઇન મેન ઓફ પ્લેટિનમનાં મૂલ્યોને નક્કર સ્વરૂપે રજૂ કરે છે. વધુમાં, રોહિત શર્મા અને અનિરુદ્ધ રવિચંદર આજના સમયમાં ભારતીય પુરુષોના વિશાળ વર્ગ માટે પ્રેરણારૂપ અને લોકપ્રિય વ્યક્તિત્વો છે. તેઓ પોતાની અલગ શૈલી અને જીવનસફરને અનુરૂપ ઘરેણાં પહેરે છે. બીજી તરફ, સમગ્ર કલેક્શન પ્લેટિનમની લાંબા સમય સુધી ટકી રહેવાની ક્ષમતાને ઉજાગર કરે છે. તેની કાયમી મજબૂતી લાંબા સમય સુધી ટકી રહેતી સફળતા પાછળ રહેલા ચારિત્ર્યનું પ્રતીક છે.”
પ્લેટિનમ ટ્રિનિટી ચેઇન
આ ચેઇનમાં વિવિધ આકારો અને ફિનિશિંગને એવી રીતે એકસાથે જોડવામાં આવ્યાં છે કે સમગ્ર ડિઝાઇન એકસમાન અને સુમેળભરી લાગે છે. પ્લેટિનમ, રોઝ ગોલ્ડ અને રાત્રિના ઘેરા વાદળી રંગનું સિરામિક દરેક પોતાને આગવી ઓળખ આપે છે. આ ડિઝાઇન એવા પુરુષનું પ્રતિબિંબ છે, જે પોતાના જીવનને આકાર આપનારા તમામ અનુભવો અને પ્રભાવોમાંથી શક્તિ મેળવે છે. મજબૂતી અને ટકાઉપણાને કારણે મૂલ્યવાન ગણાતી પ્લેટિનમ ધાતુમાંથી તૈયાર કરાયેલી આ ચેઇન એવા પુરુષો માટે છે, જેઓ પોતાના જીવન પર અસર કરનારા વિવિધ અનુભવો અને પ્રભાવોને એકસાથે જોડીને પોતાની આગવી ઓળખ ઊભી કરે છે.
પ્લેટિનમ કેપ્સ્યુલ બ્રેસલેટ
પ્લેટિનમની એક પછી એક જોડાયેલી કડીઓ વચ્ચેથી પસાર થતી રોઝ ગોલ્ડની પાતળી પટ્ટી આ બ્રેસલેટને સ્વચ્છ અને આધુનિક દેખાવ આપે છે. લાંબા સમય સુધી ટકી રહેતી મજબૂતાઇ માટે જાણીતી પ્લેટિનમ ધાતુમાંથી તૈયાર કરાયેલું આ બ્રેસલેટ એવા પુરુષો માટે છે, જેઓ સતત આગળ વધતા રહે છે અને દરેક નવા પગલાથી અગાઉની સિદ્ધિઓને વધુ મજબૂત બનાવે છે.
પ્લેટિનમ ગ્રુવ રિંગ
વીંટી પરની ત્રાંસી રેખાઓ અને ત્રિકોણાકાર આકારની વિગતો તેને આકર્ષક અને સુવ્યવસ્થિત દેખાવ આપે છે. પોતાની મજબૂતાઇ અને લાંબા સમય સુધી આકાર જાળવી રાખવાની ક્ષમતા માટે જાણીતી પ્લેટિનમ ધાતુમાંથી તૈયાર કરાયેલી આ વીંટી એવા પુરુષો માટે છે, જેઓ દરેક પડકારનો શાંત રહીને, પરંતુ દ્રઢ નિશ્ચય સાથે સામનો કરે છે.
પ્લેટિનમ અસેન્ટ રિસ્ટવેર
પ્લેટિનમના આ બેન્ડની આસપાસ ઊંચા-નીચા પગથિયાં જેવા આકારની આકર્ષક ધાર સતત વળાંક લેતી આગળ વધે છે. દરેક વળાંક અગાઉના વળાંકને આગળ વધારે છે. ડિઝાઇનમાં ઉમેરાયેલો ઘેરા વાદળી રંગનો પથ્થર તેને સૂક્ષ્મ અને આકર્ષક રંગીન સ્પર્શ આપે છે. પૃથ્વી પરની સૌથી મજબૂત કિંમતી ધાતુઓમાંની એક ગણાતી પ્લેટિનમમાંથી તૈયાર કરાયેલું આ વિશિષ્ટ ઘરેણું એવા પુરુષને રજૂ કરે છે, જેની શક્તિ માત્ર તેની સિદ્ધિઓમાં જ નહીં, પરંતુ તે સમાજ અને આસપાસના લોકોના જીવનમાં લાવેલા સકારાત્મક પરિવર્તનમાં પણ રહેલી છે.
પ્લેટિનમ રિધમ ચેઇન
પ્લેટિનમની કડીઓ અને આઇસ ગોલ્ડના આકર્ષક સ્પર્શને એકસાથે જોડીને આ ચેઇનમાં સ્વચ્છ અને પુનરાવર્તિત ડિઝાઇન તૈયાર કરવામાં આવી છે. લાંબા સમય સુધી ટકી રહેતી મજબૂતી માટે જાણીતી પ્લેટિનમ ધાતુમાંથી તૈયાર કરાયેલી આ ચેઇન એવા પુરુષનું પ્રતિબિંબ છે, જેના વિવિધ મૂલ્યો એકબીજા સાથે ઊંડાણપૂર્વક જોડાયેલા છે અને આ દરેક મૂલ્ય જીવનમાં આગળ વધવાની તેની રીતને આકાર આપે છે.
આ કલેક્શન ઓક્ટોબર મહિનાથી બજારમાં ઉપલબ્ધ થવાનું શરૂ થશે. દશેરા અને દિવાળીના તહેવારોને ધ્યાનમાં રાખીને રજૂ કરાયેલા આ ઘરેણાં સમગ્ર ભારતમાં પસંદગીના મુખ્ય જ્વેલરી શોરૂમમાં ઉપલબ્ધ રહેશે.