નવી સરકારની રચના બાદ સંસદનું સત્ર 24 જૂનથી શરૂ થશે
નવી દિલ્હી: મોદી કેબિનેટ 3.0ના શપથ ગ્રહણ અને વિભાગોના વિતરણ બાદ સંસદ સત્રની શરૂઆતની તારીખ આવી ગઈ છે. સંસદ સત્ર 24 જૂનથી શરૂ થશે અને 3 જુલાઈ સુધી ચાલશે. જેમાં નવા ચૂંટાયેલા લોકસભા સાંસદોને શપથ લેવડાવવામાં આવશે અને નવા લોકસભા સ્પીકરની પસંદગીનું મહત્ત્વપૂર્ણ કાર્ય પૂર્ણ થશે. નવા લોકસભા અધ્યક્ષની ચૂંટણી અને રાષ્ટ્રપતિ દ્રૌપદી મુર્મુનું સંબોધન પણ પ્રથમ દિવસે થશે.
કેન્દ્રીય મંત્રી કિરેન રિજિજુએ કહ્યું કે લોકસભાનું પ્રથમ સત્ર 24 જૂનથી 3 જુલાઈ દરમિયાન જ્યારે રાજ્યસભાનું પ્રથમ સત્ર 27 જૂનથી 3 જુલાઈ સુધી બોલાવવામાં આવશે. સંસદ સત્ર 24 જૂનથી શરૂ થશે અને 3 જુલાઈ સુધી ચાલશે. આ સંક્ષિપ્ત સત્ર દરમિયાન પીએમ નરેન્દ્ર મોદી સંસદમાં તેમની નવી મંત્રી પરિષદનો પરિચય પણ કરાવશે.
