એમસીએક્સ પર સોનાના વાયદાના ભાવમાં રૂ.105ની વૃદ્ધિઃ
ચાંદીનો વાયદો રૂ.45 ઘટ્યોઃ ક્રૂડ તેલ રૂ.6 સુધર્યું
કોમોડિટી વાયદાઓમાં રૂ.8356.07 કરોડ અને કોમોડિટી ઓપ્શન્સમાં રૂ.52886.31 કરોડનું ટર્નઓવરઃ સોના-ચાંદીના વાયદાઓમાં રૂ. 5264.75 કરોડનાં કામકાજઃ બુલિયન ઈન્ડેક્સ બુલડેક્સ વાયદો 18834 પોઈન્ટના સ્તરે
મુંબઈઃ દેશના અગ્રણી કોમોડિટી ડેરિવેટિવ્ઝ એક્સચેન્જ એમસીએક્સ પર વિવિધ કોમોડિટી વાયદા, ઓપ્શન્સ અને ઈન્ડેક્સ ફ્યુચર્સમાં રૂ.61243.42 કરોડનું ટર્નઓવર નોંધાયું હતું. કોમોડિટી વાયદાઓમાં રૂ.8356.07 કરોડનાં કામકાજ થયાં હતાં, જ્યારે કોમોડિટી ઓપ્શન્સમાં રૂ.52886.31 કરોડનું નોશનલ ટર્નઓવર નોંધાયું હતું. બુલિયન ઈન્ડેક્સ બુલડેક્સ ડિસેમ્બર વાયદો 18834 પોઈન્ટના સ્તરે હતો. કોમોડિટી ઓપ્શન્સમાં કુલ પ્રીમિયમ ટર્નઓવર રૂ.985.33 કરોડનું થયું હતું.
કીમતી ધાતુઓમાં સોના-ચાંદીના વાયદાઓમાં રૂ. 5264.75 કરોડનાં કામકાજ થયાં હતાં. એમસીએક્સ સોનું ડિસેમ્બર વાયદો 10 ગ્રામદીઠ રૂ.76022ના ભાવે ખૂલી, ઉપરમાં રૂ.76071 અને નીચામાં રૂ.75895ના સ્તરને સ્પર્શી, રૂ.75966ના આગલા બંધ સામે રૂ.105 વધી રૂ.76071ના ભાવ થયા હતા. આ સામે ગોલ્ડ-ગિની ડિસેમ્બર વાયદો 8 ગ્રામદીઠ રૂ.17 વધી રૂ.61890ના ભાવે ટ્રેડ થઈ રહ્યો હતો. જ્યારે ગોલ્ડ-પેટલ ડિસેમ્બર વાયદો 1 ગ્રામદીઠ રૂ.3 વધી રૂ.7692ના ભાવ થયા હતા. સોનું-મિની ડિસેમ્બર વાયદો 10 ગ્રામદીઠ રૂ.195 વધી રૂ.76129ના ભાવ થયા હતા.
ચાંદીના વાયદાઓમાં ચાંદી ડિસેમ્બર વાયદો કિલોદીઠ રૂ.90223ના ભાવે ખૂલી, ઉપરમાં રૂ.90400 અને નીચામાં રૂ.89700ના મથાળે અથડાઈ, રૂ.89745ના આગલા બંધ સામે રૂ.45 ઘટી રૂ.89700ના ભાવે બોલાયો હતો. આ સામે કિલોદીઠ ચાંદી-મિની ફેબ્રુઆરી વાયદો રૂ.218 ઘટી રૂ.91949ના ભાવે ટ્રેડ થઈ રહ્યો હતો. જ્યારે ચાંદી-માઈક્રો ફેબ્રુઆરી વાયદો રૂ.236 ઘટી રૂ.91932ના સ્તરે પહોંચ્યો હતો.
બિનલોહ ધાતુઓમાં રૂ. 1333.97 કરોડનાં કામકાજ થયાં હતાં. કિલોદીઠ તાંબુ ડિસેમ્બર વાયદો રૂ.1.05 ઘટી રૂ.821.5ના ભાવે ટ્રેડ થઈ રહ્યો હતો. જ્યારે જસત ડિસેમ્બર વાયદો 50 પૈસા વધી રૂ.287.65ના સ્તરે પહોંચ્યો હતો. આ સામે એલ્યુમિનિયમ ડિસેમ્બર વાયદો 55 પૈસા વધી રૂ.244.35ના ભાવ થયા હતા. જ્યારે સીસું ડિસેમ્બર વાયદો 20 પૈસા ઘટી રૂ.182.1ના સ્તરે પહોંચ્યો હતો.
એનર્જી સેગમેન્ટમાં રૂ. 1851.51 કરોડનાં કામકાજ થયાં હતાં. એમસીએક્સ ક્રૂડ તેલ ડિસેમ્બર વાયદો બેરલદીઠ રૂ.5930ના ભાવે ખૂલી, ઉપરમાં રૂ.5984 અને નીચામાં રૂ.5928ના સ્તરને સ્પર્શી, રૂ.5929ના આગલા બંધ સામે રૂ.6 વધી રૂ.5935ના ભાવે ટ્રેડ થઈ રહ્યો હતો. જ્યારે ક્રૂડ તેલ-મિની ડિસેમ્બર વાયદો રૂ.7 વધી રૂ.5938ના ભાવ થયા હતા. આ સામે નેચરલ ગેસ ડિસેમ્બર વાયદો એમએમબીટીયૂદીઠ રૂ.3.9 ઘટી રૂ.255.1ના ભાવે બોલાયો હતો. જ્યારે નેચરલ ગેસ-મિની ડિસેમ્બર વાયદો રૂ.3.9 ઘટી રૂ.255.1ના ભાવે ટ્રેડ થઈ રહ્યો હતો.
