અમિત શાહને ભાજપના ચાણક્ય કહેવામાં આવે છે કારણ કે તેઓ સંગઠનને સમજવાની ક્ષમતા ધરાવે છે અને પાયાના સ્તરે વ્યૂહરચના બનાવવાની કુશળતા ધરાવે છે. તેણે 2014 અને 2019ની લોકસભા ચૂંટણીમાં પણ તેની રજૂઆત કરી હતી, જ્યારે ભાજપે બમ્પર બેઠકો જીતીને સરકાર બનાવી હતી. ભાજપે એવા રાજ્યોમાં સરકારો બનાવી જ્યાં તે લાંબા સમયથી સત્તામાં ન હતી. જેમ કે ઉત્તર પ્રદેશ અને જમ્મુ-કાશ્મીર. આ સિવાય તેમણે નોર્થ-ઈસ્ટમાં પણ ભાજપનો ગઢ મજબૂત કર્યો છે.
અમિત શાહે એવા સંજોગોમાં ભાજપની સરકાર બનાવી છે, જ્યારે તેમની પાર્ટીની સરકાર બનાવવાની કોઈ શક્યતા ન હતી. પોતાને ચાણક્ય કહેવા પર તેણે કહ્યું છે કે, “ મેં ક્યારેય ચાણક્ય હોવાનો દાવો કર્યો નથી. હું એ ક્યારેય નહિ બની શકું, જો કે, મેં તેમના વિશે સારી રીતે વાંચ્યું અને સમજ્યું છે. મારી પાસે મારા રૂમમાં તેનો ફોટો પણ છે તેમ છતાં હું ચાણક્યની સામે બહુ નાનો માણસ છું”
વર્ષ 2019માં પ્રથમવખત સાસંદ ચૂંટાયા બાદ અમિત શાહને મોદી સરકારમાં સૌથી મહત્વપૂર્ણ ગૃહમંત્રાલય સોંપવામાં આવ્યું. આ પહેલા રાજનાથસિંહ ગૃહમંત્રી હતા. પરંતુ અમિત શાહના શાસનમાં જમ્મુ કશ્મીરથી આર્ટિકલ 370 સહિત નોર્થ ઈસ્ટમાં શાંતિ સ્થાપિક કરવામાં મહત્વપૂર્ણ ભૂમિકા ભજવી છે. હાલ અમિત શાહની ગણના દેશના સૌથી પ્રતિષ્ઠિત નેતાઓમાં થાય છે. ભાજપ તરફથી પ્રધાનમંત્રી મોદી બાદ કેન્દ્રીય ગૃહમંત્રીનું વર્ચસ્વ સૌથી વધુ જોવા મળે છે.
ગુજરાતમાં શાહે દેખાડી ‘ચાણક્યનીતિ’
1991માં જ્યારે બીજેપીના કદાવર નેતા લાલકૃષ્ણ અડવાણીએ ગાંધીનગર સીટ પર નોંધણી કરી તો અમિત શાહ તેમના ચૂંટણી પ્રભારી હતા. ત્યાંથી તેમની ઓળખ બનવાની શરુ થઈ. એ સમયે ગુજરાતમાં કોંગ્રેસનો દબદબો હતો. ગ્રામ્ય વિસ્તારોમાં બીજેપી કમજોર કહેવાતું. મોદી અને શાહે મળીને કોંગ્રેસનું પ્રભુત્વ ખતમ કરવા માટે એ નેતાઓનું નેટવર્ક તૈયાર કર્યું જે પ્રધાન પદની ચૂંટણી હારી ચૂક્યા હતા. આ પગલાંથી ગુજરાતની અર્થવ્યવસ્થા પણ બદલવાની શરુ થઈ. 1999માં શાહ દેશની સૌથી મોટી કોઓપરેટિવ બેંક, અમદાવાદ ડીસ્ટ્રીક્ટ કોઓપરેટિવ બેંકના અધ્યક્ષ બન્યા અને 2014 સુધીમાં બેન્કનો પ્રોફિટ 250 કરોડ થઈ ગયો.
મોદી-શાહની જોડીએ બીજેપીને બુલંદી આપી
1997માં મોદીએ શાહને વિધાનસભાની ચૂંટણી લડવા કહ્યું. તેઓ એ વર્ષે ઉપચૂંટણી જીતી વિધાયક બન્યા. 2001માં મોદી ગુજરાતના મુખ્યમંત્રી બન્યા પછી શાહે 2002માં અમદાવાદની સરખેજ સીટથી દોઢ લાખથી વધુ વોટ જીતી રેકોર્ડ જીત મેળવી. મોદી 12 વર્ષ ગુજરાતના સીએમ રહ્યા એ દરમ્યાન શાહ તેમનો જમણો હાથ બન્યા હતા. એક સમયે તો શાહ પાસે ગુજરાત સરકારમાં 12 મંત્રાલય હતા. 2013-14માં બીજેપીએ નરેન્દ્ર મોદીને કેન્દ્રની રાજનીતિમાં લાવવાનો નિર્ણય કર્યો અને શાહ ભાજપના અધ્યક્ષ બની ગયા. રાજનાથ સિંહ બાદ પાર્ટીની કમાન સંભાળનારા શાહે રાજકીય સ્તરે રણનીતિમાં પરિવર્તન લાવી બીજેપીને જીત અપાવી. આજે બીજેપી દુનિયાની સૌથી મોટી પાર્ટી હોવાનો દાવો કરે છે.
દેશભરમાં શાહને આ વ્યૂહરચનાએ બનાવ્યા ચાણક્ય
અમિત શાહ દેશની પંચરંગી સ્થાનિક વસ્તી, સાંસ્કૃતિક વિવિધતા, જાતિ, સમુદાય અને ધાર્મિક બહુમતીના યોગ્ય રાજકીય ચોગઠાં ફીટ કરવામાં માહેર છે.
કેન્દ્રની સરકાર લોકોને એક મજબૂત સંદેશ પણ મોકલી રહી છે કે સ્થાનિક મુદ્દાઓ, પ્રાદેશિક આકાંક્ષાઓ અને વિકાસ પ્રોજેક્ટ્સને સર્વોચ્ચ અગ્રતા આપવામાં આવશે.
પ્રાદેશિક પક્ષો સ્થાનિક વસ્તીના પ્રાદેશિક અને ભાષાકીય પાત્રની ઊંડી અને મજબૂત સમજ ધરાવે છે, આવા જોડાણો ભાજપને સ્થાનિકો સાથેના તેના સંબંધોને વધુ ગાઢ બનાવવામાં મદદ કરશે.
2019 માં, ભાજપે ઉત્તર પ્રદેશમાં અપના દળ સાથે ચૂંટણી જોડાણમાં પ્રવેશ કર્યો, તેણે પક્ષને કુર્મી મતોને એકીકૃત કરવામાં મદદ કરી.
સંજય નિષાદની નિષાદ પાર્ટી સાથેના જોડાણ દ્વારા, તેણે નિષાદના મતોને વધુ એકીકૃત કર્યા.
ઝારખંડમાં, જ્યારે NDA સાથી ઓલ ઝારખંડ સ્ટુડન્ટ્સ યુનિયન (AJSU) એ 2019માં માત્ર એક લોકસભા બેઠક જીતી હતી, તેણે કુશવાહાના મતદારોને બીજેપી માટે એકીકૃત કરવામાં મદદ કરી હતી.
ત્યારે 2024માં પણ અમિત શાહની ચાણક્ય નીતિથી ફરી કેન્દ્રમાં ભાજપ સમર્થિત એનડીએની સરકાર બનશે. જેમાં અમિત શાહનું કદ નરેન્દ્ર મોદી પછી એટલું જ મહત્વનું માનવામાં આવે છે. ગૃહમંત્રીની સાથે સહકારીતા મંત્રી એવા અમિત શાહનો દબદબો ઉત્તર અને મધ્ય ભારતની સાથે સાથે દક્ષિણ ભારતમાં પણ સફળતા અપાવશે અને વધુ તાકાતવર અમિત શાહ પોતાની ચાણક્ય સમાન વ્યૂહરચનાથી બને તેમાં કોઈ નવાઈ લાગતી નથી.
