એન્ટરટેઇનમેન્ટ
‘દ વન’ના ‘સમજો ના’માં સિદ્ધાર્થ-તમન્નાની રોમેન્ટિક કેમેસ્ટ્રીએ જીત્યા દિલ
- ‘દ વન’ના ‘સમજો ના’માં સિદ્ધાર્થ-તમન્નાની રોમેન્ટિક કેમેસ્ટ્રીએ જીત્યા દિલ
- જંગલમાં રહસ્ય છે, હવામાં લોકકથાઓની સુગંધ છે અને હવે ‘દ વન’ની દુનિયામાં પ્રેમે પણ પોતાની જગ્યા બનાવી લીધી છે. બહુપ્રતિક્ષિત ફિલ્મનું પહેલું ગીત ‘સમજો ના’ રિલીઝ થઈ ગયું છે, જેમાં પહેલીવાર સિદ્ધાર્થ મલ્હોત્રા અને તમન્નાની જોડી પડદા પર સાથે જોવા મળી રહી છે. ગીત રિલીઝ થતાં જ બંનેની ફ્રેશ કેમેસ્ટ્રીએ દર્શકોનું ધ્યાન ખેંચ્યું છે અને આ નવી જોડીને ‘બ્લોકબસ્ટર જોડી’ પણ કહેવામાં આવી રહી છે.
- ટીઝરમાં ફિલ્મની રહસ્યમય અને અલૌકિક દુનિયાની ઝલક જોવા મળી હતી. હવે ‘સમજો ના’ ‘દ વન’નો એકદમ અલગ રંગ બતાવે છે. આ ગીતમાં પહેલીવાર સિદ્ધાર્થ અને તમન્નાના પાત્રો વચ્ચેના સંબંધ અને તેમની રોમેન્ટિક કેમેસ્ટ્રીને નજીકથી જોવા મળે છે. રહસ્ય, રોમાંચ અને લોકકથાઓની આ અનોખી દુનિયા વચ્ચે પ્રેમનો આ રંગ ફિલ્મમાં એક સુંદર લાગણી ઉમેરે છે.
- ઝી મ્યુઝિકના લેબલ હેઠળ રિલીઝ થયેલું ‘સમજો ના’ ‘દ વન’ની દુનિયામાં એક નવી ગરમાહટ લઈને આવે છે. જ્યાં ફિલ્મની કહાની રહસ્ય અને રોમાંચથી ભરેલી છે, ત્યાં આ ગીત સિદ્ધાર્થ અને તમન્નાના પાત્રોના સંબંધને સુંદર અને રોમેન્ટિક અંદાજમાં રજૂ કરે છે. બંનેની પહેલી ઓન-સ્ક્રીન રોમેન્ટિક જોડી આ ગીતની સૌથી ખાસ વાતોમાંથી એક છે.
- આ ગીતને તનિષ્ક બાગચીએ કમ્પોઝ અને પ્રોડ્યુસ કર્યું છે. જુબિન નૌટિયાલ અને સુવર્ણા તિવારીએ ગીતને પોતાનો અવાજ આપ્યો છે, જ્યારે તેના શબ્દો મનોજ મુન્તશિરે લખ્યા છે. કૃષ્ણા કિશોરે એડિશનલ લાઇવ પ્રોડક્શન સંભાળ્યું છે અને એરિક પિલ્લઈએ ગીતને મિક્સ અને માસ્ટર કર્યું છે. માઈકલ એડવિન પિલ્લઈએ આસિસ્ટન્ટ મિક્સ એન્જિનિયર તરીકે કામ કર્યું છે.
- ગીત વિશે જુબિન નૌટિયાલ કહે છે, “‘સમજો ના’માં એક સુંદર નિર્દોષતા અને લાગણી છે, જેની સાથે હું તરત જ જોડાઈ ગયો. તનિષ્કની ધૂન અને મનોજ મુન્તશિરના દિલને સ્પર્શી જાય એવા શબ્દો પ્રેમની નાજુક લાગણીને ખૂબ જ સુંદર રીતે રજૂ કરે છે. સુવર્ણા અને મને આ ગીતને અવાજ આપવામાં ખૂબ મજા આવી. સિદ્ધાર્થ અને તમન્નાની કેમેસ્ટ્રી ગીતમાં એક ખાસ તાજગી લઈને આવે છે. આશા છે કે ‘સમજો ના’ લોકોના દિલ સુધી પહોંચશે અને એવું ગીત બનશે, જેને તેઓ પોતાની નજીક રાખશે.”
- ‘સમજો ના’ સિદ્ધાર્થ અને તમન્ના માટે પણ ખાસ છે, કારણ કે પહેલીવાર બંને કોઈ ફિલ્મમાં રોમેન્ટિક જોડી તરીકે સાથે સ્ક્રીન શેર કરી રહ્યા છે. આ સાથે, આ ગીત દર્શકોને ‘દ વન’ની દુનિયાનું એક નવું પાસું પણ બતાવે છે, જે અત્યાર સુધી જોવા મળેલા રહસ્ય અને રોમાંચથી એકદમ અલગ છે.
- ટીવીએફના અરુણાભ કુમાર, દિગ્દર્શક દીપક મિશ્રા અને એકતા કપૂર જેવા જાણીતા નામો સાથે બનેલી ‘દ વન’ ભારતીય લોકકથાઓને મોટા અને નવા સિનેમેટિક અંદાજમાં રજૂ કરવા જઈ રહી છે. લોકકથા અને ફેન્ટસી સાથે જોડાયેલી આ ફિલ્મમાં રોમાંચ, રહસ્ય અને હાસ્યનો સુંદર મેળ જોવા મળશે અને આ એક શાનદાર ફેમિલી એન્ટરટેનર તરીકે દર્શકો સામે આવશે. ફિલ્મની આ દુનિયાને વધુ વિસ્તૃત કરતાં ‘ધ લેજન્ડ ઑફ વન’ કોમિક બુક પણ દર્શકોને તેના મોટા ફોકલોર યુનિવર્સથી પરિચિત કરાવી ચૂકી છે.
- બાલાજી મોશન પિક્ચર્સ, બાલાજી ટેલિફિલ્મ્સ લિમિટેડનું એક ડિવિઝન, ટીવીએફ અને 11.11 પ્રોડક્શન સાથે મળીને ‘દ વન’ રજૂ કરી રહ્યું છે. ફિલ્મમાં સિદ્ધાર્થ મલ્હોત્રા અને તમન્ના મુખ્ય ભૂમિકામાં છે. ફિલ્મની વાર્તા અરુણાભ કુમારે લખી છે અને દીપક મિશ્રાએ તેનું દિગ્દર્શન કર્યું છે. મનુ આનંદ તેના DOP અને વિઝ્યુઅલ ડિરેક્ટર છે. ફિલ્મને શોભા કપૂર, એકતા આર કપૂર, અરુણાભ કુમાર અને નીરજ કોઠારીએ પ્રોડ્યુસ કરી છે.
- ‘દ વન’ 25 સપ્ટેમ્બર 2026ના રોજ સિનેમાઘરોમાં રિલીઝ થશે. રહસ્ય, રોમાંચ, પ્રેમ, સંગીત અને શાનદાર વિઝ્યુઅલ્સથી ભરેલી આ ફિલ્મ ભારતીય લોકકથાઓની એક એવી દુનિયા મોટા પડદા પર લઈને આવશે, જ્યાં દરેક પગલે એક નવું રહસ્ય દર્શકોની રાહ જોઈ રહ્યું હશે.
